Vanden prioer van wave(r)/ Item h(er) jan van eedeghem prioer vanden cloeste(r) van ons(er) vrouwe(n) te wave(r)/ heeft opten dach van huden gans ende geheel gep(rese)nteert ende laten sien/ den scepen(en) van loven(e) hier nae genoempt enen brief bezegelt mett(er) vryheit/ zegele van ha(n)nuyt begripende van xx antw(er)pschen scilden goet van goude/ ende van gewichte of de w(er)de daer af die de goede liede van ha(n)nuyt voirs(creven)/ den voirscr(even) p(ri)oer vande(n) voirs(creven) cloeste(r) voertide(n) geloeft hebben jairlix te betale(n)/ tot ene(n) genoempde(n) dage inden voirs(creven) brieve begrepen Welke p(rese)ntatie de/ voirs(creven) prioer voer de scepen van loven(e) gedaen heeft te dien eynde wa(n)t/ de scepen van ha(n)nuyt beg(er)t hebben inden rechte en(de) met vo(n)nisse gewijst/ den voirscr(even) p(ri)ncipalen brief van den xx scilden voer oege(n) te hebben mids/ dat de voirscr(even) p(ri)oer sijn clage yerst daer op gedaen heeft of sij dien/ voer oegen hebbende den prioer den selve(n) brief dan voerhielden oft/ mishandelden dat den scepen(en) van loven(e) voirs(creven) condich wa(r)e dat siten/ gans ende geheel gesien hadden p(rese)ntibus opp(endorp) walt(er)i vynck oct(obris) xiiii