Vanden weghe bi henric lyevinx huys/Het sijn comen in rechte voe(r) meye(r) en(de) scepen(en) van loven(en) op die goede /hier nae genoemt willem gans in deen side wouter van b(er)them /als momboer katlinen vand(er) bruggen sijns wijfs dochter jans vand(er)/bruggen die welke hij hadde van lijsbetten wilen lyevi(n)c sinen wijve/dochter henrix wilen lyevi(n)c yweyn van gheele als momboer kat/linen lyevinx sijns wijfs oec dochter des voirs(creven) wilen henrix en(de) /henric bone die te wijve hadde m(ar)grieten lyevi(n)x docht(er) des voirs(creven) /wilen henrix lyevinc in dande(re) als om tgebruyck dat de voirs(creven) wout(er) /yweyn en(de) henric seyden dat sij sculdich wae(re)n te hebben over enen /wech gelegen inde proefstrate tusschen de goede des voirs(creven) willem /gans en(de) thuys des voirs(creven) wilen henrix lyevinc daer sij rechte /erfgenamen af sijn van welken wege die selve wouter yweyn /en(de) henric seggen deden dat sij en(de) hoe(re) vorde(re)n en(de) voerseten inge/bruyke en(de) in vredeliker possessien hadden geweest vanden voirs(creven) /weege ter proefstraten uut en(de) slotel daer af gehadt gesloten /en(de) ontsloten over xxx jaere en(de) daer boven alsoe lange als hen /die waerheyt draghen soude Seiden voert soe waer sij dat gethoene(n) /consten dat sij in horer possessien bliven souden en(de) dat men hen /faertse af soude doen en(de) hadde willem gans yet aen te spreken /dat hij dat dan dade met rechte hoepten en(de) meynden soe waer /si dat gethoenen consten dat sij hen vermeten hadden dat hen dat /worden soude en(de) dede lesen inden rechte seker scepen(en) brieve van/loven(en) daer mede dat henric lyevinc en(de) sijn vorde(re)n die goede /aldaer liggen(de) mede gecregen hadden Op dwelke de voirs(creven) willem /verantw(er)de met sinen voirspraken en(de) dede lesen seker scepen(en) brieve /daer mede dat sijn goede vercregen wae(re)n en(de) tot hem comen /hoepte en(de) meynde nae inhout van sinen scepen(en) brieven dat /de voirs(creven) sijn wed(er)p(ar)tie gheen gebruyc noch beweynt opden /wech en soude hebben want hoe(re) goede ter straten lagen en(de) /daer doe(r) niet te doen en(de) hadden Eyschte en(de) versochte van rechts /wegen dat die he(re)n die scepen(en) de gelegentheyt vanden goeden vysenteerden onder en(de) boven meynde dat sij walen bevinden /souden dat hem den wech toebehoerde en(de) nyeman(ne) anders /Daer op dat die scepen(en) gemaent vanden meye(r) wijsden en(de) /begeerden van beiden p(ar)tyen hoe(re) gebreck bewijst te hebben en(de) /dae(re)n teynden recht dwelc geschiede daer nae maende die /meye(r) voert die scepen(en) die wijsden voe(r) [een] vo(n)nisse want /hen wouter yweyn en(de) henric van hoe(re) possessien thoenisse /v(er)meten hadden dat sij thoenen souden en(de) dae(re)n teynden recht
//
dwelc sij thoenden met goeden knapen die droegen op hae(re)n eet /ten heylgen de sulke van xxxii van xxxv jaren de sulke van /xl en(de) de sulke van lx dat sij oyt en(de) ye gesien hadden dat die /ghene die de goede besaten die waren henrix lyevinc daer /die voirs(creven) wouter yweyn en(de) henric nu erfgenaem af sijn hoe(re) /gebruyck hadden gehadt peyselic en(de) vredelic over den voirs(creven)/wech en(de) dien sloten en(de) ontsloten ja de voirs(creven) henric lyevi(n)c /en(de) die ghene die de voirs(creven) goede besaten voe(r) hem en(de) dat /sij gheen contrarie daer af gesien noch geweten en hadden /dat gedaen maende die meye(r) voert die scepen(en) van loven(en) /die wijsden voe(r) een vo(n)nisse nae aensprake nae antw(er)de /nae thoenisse en(de) nae al des voe(r) hen comen was dat /de voirs(creven) wouter yweyn en(de) henric in hoe(re) possessien bliven /souden gelijc sij geweest hadden en(de) woude de voirs(creven) willem /hen yet aen spreken dat hij dat doen mochte en(de) metten /rechte p(rese)ntib(us) egid(io) rike lud(ovico) roelants jacobo ex lyemi(n)gen /joh(ann)e de huffle henr(ico) de mulke joh(ann)e de ponte (et) henrico /vroede septembr(is) p(ri)ma anno xxv[o]/