Van berthelmeeuse cambier/ Tvo(n)nisse tusschen berthelmeeuse cambier die ov(er)mids vo(n)nisse ende macht/ van scepen(en) brieven van loven(e) comen ende beleidt is met meye(r) ende scepen(en)/ van loven(e) tot allen den haefliken goeden henrix mes vander vue(re)n de welke/ henric te voe(re)n met meye(r) ende scepen(en) voirs(creven) beleidt was en(de) noch es tot/ allen den haefliken goeden jans rembout in deen side en(de) claese den lu in dande(r)/ side van so(m)migen den voirs(creven) haefliken goeden die voertijts wae(re)n des voirs(creven)/ jan rembout de welke de voirs(creven) claes hadde doen besetten ende beslaen/ ter vue(re)n seggende dat hij borge wae(r) voir den voirs(creven) janne rembout ende/ dat de voirs(creven) henric mes hem daer af hadde geloeft tontheffen Was/ uutgedragen met desen worden dat alsulken aensprake als de voirs(creven) claes/ ten voirs(creven) berthelmeeuse weert gedaen hadde den selven b(er)thelmeeuse/ geen ontstade doen en soude P(rese)ntibus joh(ann)e de borchoven walt(er)o py(n)noc/ henrico de calste(ren) (et) balduino de gravio joh(ann)e vander lynden goessuino ouder(ogghe)/ et dyonisio boys scab(inis) lovan(iensibus) septembr(is) ix[a] anno xiiii[c] xxvi[to]