Item peter ve(re)ngheylen cled(er)make(r) heeft gevo(n)nist voir meye(re) en(de) scepen(en)/van loven(en) seker scepen(en) brieve van loven(en) van xxii molevaten rogs erfspachts/op seker pande gelegen te pellenberch daer goedinge af geschiet is voir meye(re)/en(de) scepen(en) van loven(en) uut machte van scepen(en) brieve(n) van loven(en) gelijc de scepen(en) brieve/d(aer) op gemaect volcomelic begripen alsoe dat de scepen(en) van loven(en) ter manissen/smeyers wijsden voir een vo(n)nisse dat de voirg(enoemde) jan van den? pet(er) ve(re)ngheylen/trecken soude tot sinen pande vonde hi te pande(n) soe soude hi pande(n) en(de) en vonde/hi niet te pande(n) soe soude hi voertvae(re)n met den rechte dwelc geschiet is/ende den meye(re) van loven(en) met den scepen(en) van loven(en) op de pande comen(de) en/vonden sij daer op niet tepande(n) alsoe dat dten eynde de meye(re) van loven(en)/leverde met den rechte den voirg(enoemde) pete(re)n de voirscr(even) goede die sijn pande/sijn voir de voirs(creven) erfrente en(de) voir den cost daer op ged(aen) is met den rechte/cor(am) g(ra)ven boys junii xxi