SAL7321, Akte: V°129.1 (1175 van 1248)
Akte V°129.1
Act
Datum: 1428-04-29
Taal: Nederlands
Transcriptie
2012-01-05 door xavier delacourtVanden stoete die opv(er)staen was nae den vo(n)nisse tande(re)n tiden gewijst tussche(n) jaq(ue)mijn/van arscot den jongen in deen side ende janne vand(er) molen die ov(er)mids vo(n)nisse van /scepen(en) brieve(n) van loven(en) beleidt is tot den goeden goessens wilen vand(er) molen sijns/naturlix brued(er)s in dande(re) alse vander tocht die de voirs(creven) jaq(ue)mijn yesch te hebben aen/de
goede die hem met annen sinen wive die dochter was des voirs(creven)
wilen goessens te huwelic ghegeven wae(re)n ende dat meynde de
voirs(creven) jaq(ue)mijn dat tvoirs(creven) vo(n)nisse/onder dande(re) dat begrepen hadde ende de voirscreve(n) jan meynde dat de voirg(enoemde) jaq(ue)mijn/gheen tocht hebben en soude ende dat tvoirscr(even) vo(n)nisse des niet en begreep en(de) datmen/hem in sinen beleyde houden soude De scepen(en) van loven(en) gemaent vanden meye(re) hebben/gewijst voir een vo(n)nisse dat de voirscr(even) jaq(ue)mijn in sijns wijfs goede hebben sal sijn/tocht nae den lantrechte p(rese)nt(ibus)eg(idio) rike will(el)mo lomb(ar)t ger(ardo) de haenwijc henr(ico)/vroede et ar(noldo) velde scab(inis) lovan(iensibus) Anno xiii[c] xxviii[o] april(is) xxix
Nagekeken door: Inge Moris
Moderator: Inge Moris
Laatste update:: 2012-01-05 door Inge Moris