Van jonch(e)r jacob hee(re) te sombreff ende jonch(e)r willem(me) van/ sombreff hee(re) te carpen en(de) te g(ra)nt lais sinen neve/ Het is gevoirwert condicie ghemaect ende gheordineert tusschen jonche(r) jacob/ hee(re) van sombreff in deen side ende jonch(e)r willem(me) van sombreff hee(re) van karpen/ ende van g(ra)nt lais sinen neve in dande(re) alse vanden goeden vander heusieren inder/ manie(re)n en(de) vueghen h(ier) nae bescreven/ Inden yersten es vorwerde dat de voirs(creven) jacob ende willem de voirg(eruerde) goede vander/ heusieren half en(de) half peyselic ende vredelic houden besitten deylen en(de) gebruyken/ selen/ Item selen de voirs(creven) jacob ende willem deen den ande(re)n vander helcht vanden voirs(creven)/ goeden vander huesie(re)n goede ende zeke(r) vestich(eit) doen bij raede van goeden mans/ die hen dies verstaen also dat elken van hen tot eeweliken daghen vast ende/ seker sijn sal Ende waert also dat e(n)nigen van hen beyden op sijn gedeelte/ vanden voirs(creven) goeden e(n)nigen last oft co(m)mer quame dat sij dien te gelike dragen/ selen sonder argen list/ Voertmeer es wrwerde vonde men e(n)nige goede die desen goeden vander/ heusieren voermaels toehoerden dat sij die beyde gesamender hant selen/ v(er)volghen ende verreiken om die te crighen ende dan deen den ande(re)n gelike/ deylinge daer af doen/ Item oft jan van sombreff brueder des voirs(creven) willems de voirs(creven) goede metten/ rechte aenspreken woude dat sij dat zamentlic weeren ende metten rechte/ verantwerden selen ende so wes jan metten rechte gewynnen kan daer af/ heeft geloeft de voirs(creven) willem den voirs(creven) jacop van sinen deele richtinge te/ doen maer oft jan met gewalt den voirscr(even) goeden toespreken woude so/ selen sij dat gesamender hant [keeren ende] wederstaen/ Item is vorw(er)de oft e(n)nich vanden voirs(creven) p(ar)tien hoe(r) gedeelte v(er)coepen v(er)setten/ oft v(er)ande(re)n wouden dat sij dat doen moegen op also dat de naeste erfge/ namen van hen de voirs(creven) goede bynnen jaers lossen en(de) quiten selen moegen/ om den selven pe(n)nync daer sij om v(er)cocht selen sijn naeden gemeynen lantrechte/ Ende en selen gheen van hen den ande(re)n de voirs(creven) goede ontberren in gheenre/ manie(re)n sij [en] selen hoe(r) quitinge hebben gelijc voirscr(even) steet sond(er) argenlist/ Item heeft geloeft [sal geloven] de voirs(creven) jacop den voirs(creven) willem [als sij malc ande(re)n vestich(eit) doen] ix[c] gripen te xl pl(a)c(ken) wel/ ende wettelic te gelden ende te betalen Te weten v[c] g(ri)pen daer af te kersmisse/ neestcomende en(de) iiii[c] g(ri)pen daer af te s(in)[te] baefsmisse daer nae naestvolgende/ ende telken t(er)mine als v(er)volghde schout/ Ende alle tgheene dat voirscr(even) is geschiede voe(r) willem(me) lombart en(de) henric/ den vroede scepen(en) van loven(e) oct(obris) ultima anno xiiii[c] vicesimoseptimo