Cond zij allen den ghenen die dese l(ette)ren selen sien en(de) hoe(re)n/ lesen dat want geertere [h(er) geert cayens] van baussele [canonick tot eindoven] clerck jonch(e)r jans van/

scoenvorst borchgreeve te monsouwen hee(re) te craeyendonck/

torrendonck te dyepenbeke en(de) tot eyndove(n) met meyer en(de) met/ scepen(en) van loven(e) also als gewoenlic is van heerlicheide(n) geleidt/ was tot den erfrente(n) begrepe(n) inden scepen(en) brieve(n) van loven(e) daer/ desen brief aen gehangen es voir sijn schout inden selve(n) scepen(en)/ brieve(n) genoemt ende begrepe(n) De meye(r) van loven(e) maende de/ scepen(en) van loven(e) hoe de voirs(creven) gerart hem voort behelpe(n) soude/ mette(n) rente(n) voirscr(even) om daer aen te vevolghen en(de) te hebben sijn/ schout voirs(creven) welke scepen(en) van loven(e) daer op gemaent wijsde(n)/ voer een vo(n)nisse te voe(re)n raet en(de) delibe(r)acie(n) daer op gehadt dat/ de voirs(creven) [h(er)] gerart de voirs(creven) erfleke rente(n) soude vercoepe(n) en(de) sijn voirscr(even)/ schout daer af heffen ende voe(re)n en(de) als hijse vercocht hadde dat/ hise dan p(rese)nte(re)n soude den meye(r) van loven(e) te hebben o(m)me den/ selven prijs dat hise vercocht hadde tot behoef onss gened(ichs) hee(re)n/ van brabant Voert wijsden de voirs(creven) scepen(en) van loven(e) dat de/ voirg(enoemde) onse gened(ichen) hee(re) den coeper vande(n) voirs(creven) erflike(n) rente(n) recht/ warant sijn soude tot der so(m)men toe vand(er) voirs(creven) schout Dit gedae(n)/ de meye(r) van loven(e) schout quijt openbaerlic sijn naerderscap die hij/ hadde aen de voirs(creven) erflike rente(n) consente(re)nde den voirs(creven) [h(er)] gerart sijn/ profijt te doen mette(n) erflike(n) rente(n) voirs(creven) En(de) als dit mette(n) rechte/ aldus gesciet was soe droech op de vorscr(even) [h(er)] gerart de erflike rente(n)/ voirs(creven) inden hande(n) des meyers van loven(e) die daer ov(er) scout van/ heerlicheide(n) van weghen onss gened(ichs) he(re)n van brabant daer op/ als d(aer) toe behoirde met ene(n) halme vertyende En(de) als de voirscr(even) h(er)/ gerart mette(n) rechte daer was uutgedaen en(de) te male afgewijst/ soe is daer inne gegoet en(de) gheerft claes ghehete(n) cole wonen(de)/ te turnhout bij manisse en(de) oirlove smeyers van loven(e) voirs(creven) en(de)/ bij vo(n)nisse en(de) wijsdo(m)me der voirg(enoemde) scepen(en) van loven(e) de voirs(creven) erflike/ renten in tytle van wittige(n) coepe te behouden behoudelic altoes/ den he(re)n recht vande(n) gronde inden voirscr(even) saken H(ier) wae(re)n ov(er) lomb(ar)t/ abs(oloens) borch(oven) iunior velde m(ar)tii ix