Want stoet ende tebat opv(er)staen is tusschen lambrechte soen matthijs reynot in/ deen side ende janne de preit soen eernarts de preit in dande(r) side/ vander doot janne jannarts soen wilen des voirs(creven) matthijs reynots brue(der)/ des voirs(creven) lambrechts die vanden voirs(creven) janne de preit gequetst was/eme(r) ende daer af sterf also de selve lambrecht meyndt des jan voirs(creven)/ hoept dat niet en is ende dat hij den vader des voirs(creven) lambechts ende [want jan sijn sone voirs(creven) jan in sinen broede was also hij meyndt d(aer) af bet(er)nisse heeft gedaen]/den selven lambrechte daer af bet(er)nisse gedaen heeft ende dat sij [hij] hem/[daer af] quijtgesconden hebben [heeft] So sijn beyde de voirs(creven) p(ar)tien comen voir scepen(en)/ van loven(e) ende sijn vanden voirs(creven) stoete en(de) gescille met allen dien des/ daer uut porren mach bleven in segge(re)n ende vriendelike yffene(re)n/ Te weten de voirs(creven) lambrecht in janne nu van laetwijc ende janne/ vanden beeken voirspreeke ende de voirs(creven) jan de preit in ja(m)mart/ daire ende henric den verme(re) voirspreeke in alsulk(er) vueghen dat/ de voirs(creven) lambrecht sinen eysch ten voirs(creven) janne weer setten sal in/ gescrifte ende overgheven den segge(re)n des voirs(creven) jans oft den eenen/ van hen bynnen viii daghen neestcomende Daer op dat de selve jan/ sijn v(er)antw(er)den setten sal in gescrifte ende maken ende ov(er)gheven den/ segge(re)n des voirs(creven) jans oft den eenen van hen bynnen viii daghen/ daer neest volgende Dat geschiet selen de vier segge(re)n/ zamentlic bynnen viii daghen daer naestvolgende verhoe(re)n/ alle waerheiden en(de) thoenissen op dats p(ar)tien behoeven ende dan/ hoe(r) seggen daer af uutenen ende seggen voer scepen(en) van loven(e)/ bynnen xiiii nachten daer nae naestvolgende op dat sijs alle/ iiii oft de iii van hen eens en(de) van accorde sijn Ende so waer/ sijs niet also niet alle iiii oft de iii van hen niet eens/ gewerden en connen dat sijs [sij] dan bynnen den selven xiiii/ nachten enen geliken ov(er)man nemen en(de) kiesen selen [bynnen der stat van loven(e)] ende/ hem eysch en(de) v(er)antw(er)den thoenisse en(de) alle bescheit ov(er)geven/ die sijn seggen daer af seggen sal by(n)nen xiiii nachten/ daer naest volgende Ende hebben geloeft beyde de vors(creven)/ p(ar)tien op lantsoene ende op soenbeke te sine te houden ende/ te volvue(re)n alsulken seggen als de iiii segge(re)n oft de iii van/ / hen oft ov(er)man daer af seggen selen eendrachtichlic oft/ de ov(er)man op dat sijs niet van accorde gewerden en/ consten seggen sal in alsulker voeghen oft e(n)nich vanden/ voirs(creven) p(ar)tien een segge(r) gebrake oft niet gec(ri)gen en conste/ dat hi die p(ar)tie een ene(n) ande(re)n i geliken man in die/ stat nemen sal moegen sonder argelist haenw(ijc) velde fe(bruarii) xix