Want stoet ende tebat op(ver)staen sijn tusschen willem van bealmont in/ deen side ende ernul goede in dande(r) Alse van alsulkenr saken aenspraken/oft seggen [van huweleke(n) vorw(er)den]alse de voirs(creven) willem van bealmont ten voirs(creven) ernul weert/ meynt te hebbe(n) [van beruerleken goeden die ernul des vors(creven) willems wive met hoe(re)n eerste(n) man geloeft soude hebbe(n)] So sijn beyde de voirs(creven) p(ar)tien comen voirs(creven) voir scepe(ne)n/ van loven(e) ende hebben vanden voirs(creven) stoete en(de) geschille hen ghekeert/ ende sijn des bleven in segge(re)n ende vriendelike yffene(re)n Te weten de/ voirs(creven) willem van bealmont in engelbrechte van g(ra)ven natue(r)lic soen/ baudewij(n)s wilen van g(ra)ven hee(re) van malevien ende van torbisoul ende/ in gielise stroeprock ende de voirs ernul goede in reyne(re)n van lyes/ ende henricke vanden uedekeme van veekene In alsulker vueghen dat de/ voirs(creven) willem sinen eysch ende aensprake die hij ten voirs(creven) ernul weert/ meynt te hebben in gescrifte overgheven sal bij handen sijnre segge(re)n/ den segge(re)n des voirs(creven) ernuls oft den enen van hen van dijsdaege in/ viii daghen te mistide neestcomende die dan den bringhen selen ter/ ke(n)nissen des voirs(creven) ernuls die sijn verantw(er)den daer op maken sal/ ende dat ov(er)geven oft seinden in gescrifte den segge(re)n des voirs(creven) willems/ oft den enen van hen bynnen viii [x] daghen daernaest volgende nae dat [d(er) naest volg(ende)]/den eysch ende aensprake des voirs(creven) willems den segge(re)n des voirs(creven) ernuls/overgegeven sal werden de welke iiii segge(re)n eysch ende v(er)antw(er)den/ overgehadt ende hen beraden ende versinne(n) [selen en(de) mogen] die oec getuyghen verhoe(re)n/moegen van beyden siden ofts noet gebuerde hoir seggen dair af/ seggen ende uutenen selen bynnen viii daghen daer nae naestvolgende/ op dat sijs eens ende van accorde sijn Ende oft sijs niet eens ende van/ accorde gewerden en consten dat sij bynnen den selven viii daghen/ comen selen voir scepen(en) van loven(e) ende daer af halen van hoetvo(n)nisse/ gelijc of p(ar)tien na vormen van rechte gedingt hadden Ende hebben/ geloeft beyde de selve p(ar)tien vast ende gestedich te houden so/ wes de iiii segge(re)n eendrachticlic seggen selen oft de scepen(en) van/ loven(e) hen voir een vo(n)nisse gheven ende leeren selen behoudelic/ dien oft e(n)nig(er) p(ar)tien segge(re)n gebrake dat hij ande(re) in die stat/ nemen sal moegen sonder argelist Insup(er) p(ro)mis(it) d(i)c(t)us will(el)m(u)s/ p(ro)sta(r)e m(ar)ga(r)eta(m) sua(m) ux(orem) q(uod) ad mo(nitionem) d(i)c(tu)m arbitru(m) obs(er)va(r)e p(ro)mittet lomb(ar)t/ borch(oven) iunior aug(usti) xxiii

Ite(m) ernul goede heeft ghenome(n) ja(n)ne en mathir/ inde stat va(n) henr(ic) vande(n) vekene segg(er) te loven/ rike abs(oloens) sept(embris) xvi