It(em) henric cleynhe(re) van thiene(n) man van buten die beclaeght was van/ henricke kempene(re) van vissenake voir xiii gulden crone(n) en(de) op hede(n) dach hadde/ daer de voirs(creven) kempene(re) niet en qua(m) es bide(n) scepen(en) van loven(e) ter manis(s)en/ smeyers jege(n) den voirs(creven) henricke kempene(re) vand(er) voirs(creven) claghen verweert gewijst/ cor(am) rike abs(oloens) borch(oven) haenwijc vroede velde ja(nuarii) xx