SAL7323, Act: R°233.1 (104 of 152)
Search Act
previous | next
Act R°233.1  
Act
Date: 1429-03-07

Transcription

2020-01-05 by helga peeters
Cond sij allen liede(n) dat jan parijs en(de) arnt goetknecht beyde van beethekem/
sijn come(n) in jeg(enwoirdicheit) d(er) scepen(en) van lov(en) ende hebbe(n) genome(n) en(de) bekent dat sij/
genome(n) hebben ongesund(er)t en(de) ongesceiden van h(e)ren woute(re)n van hugarden/
canonck regulier en(de) proefst des goidshuys van p(er)ke inde(n) namen en(de) van wege(n)/
des selfs goidshuys den moer den voirs(creven) goidshuyse toebehoe(re)nde gelege(n) te /
veldonck neve(n) dmoer des goidshuys van sente g(er)trude(n) te loven(e) alsoe verre/
den selve(n) moer nu uutgesteken es Te houde(n) en(de) te hebbe(n) van halfmerte/
neestcomen(de) ene(n) t(er)mijn van vi jae(re)n langc deen nae dand(er) sond(er) e(n)nich middel/
volgende Elx jairs dae(re)n bynne(n) om xviii mottoe(ne)n te wete(n) xxvii pl(a)c(ken) voir/
twee d(er) selv(er) mottoen(en) gerekent tsente m(er)tens misse inde(n) wynt(er) te/
betale(n) alle jaer de(n) voirs(creven) t(er)mijn due(re)nde quoli(bet) ass(ecutu)[m] Ite(m) es vorw(er)de wart alsoe/
dat tvoirs(creven) goidsh(uys) by(n)ne(n) de(n) voirs(creven) t(er)mine ald(aer) e(n)nich moer meer uut dede steke(n)/
dat de voirscr(even) jan en(de) arnt dat dan oec hebbe(n) en(de) behoude(n) selen den voirscr(even)/
t(er)mijn langc due(re)nde en(de) dat uutberre(n) alsoe dat den voirs(creven) goidsh(uys) aen sijn/
and(er) moer en(de) corne(n) noch oic yeman(de) and(er)s d(aer) af gheen scade en come de/
welke oft sij gesciede sij geloeft hebbe(n) op te richte(n) It(em) noch es vorw(er)de/
dat de voirs(creven) jan en(de) arnt de heyde staende op des voirs(creven) godsh(uys) moer/
aldair dat noch niet uutgesteken en es den voirs(creven) t(er)mijn lang due(re)nde oic/
hebben en(de) gebruken selen uutgesceide(n) dat sijse ten leste(n) jae(r) vande(n) voirs(creven)/
sesse jae(re)n niet en selen moege(n) maeyen en(de) de beeste(n) die sij op tvoirscr(even)/
goet doen selen dat sij die wel selen doen hoeden en(de) herde(n) alsoe dat/
den goidsh(uys) d(aer) af gheen scade en gesciede It(em) sele(n) de voirs(creven) jan en(de) arnt/
de grechte ald(aer) staende wel en(de) loflic houde(n) en(de) thout d(aer) op staende hoede(n)/
vande(n) beeste(n) beeste(n) en(de) in dat selve hout en sele(n) sij gheen recht/
hebben and(er)s dan op tselve goet mede te bevrede(n) mette(n) ghene(n) dat out/
genoegh es sijn sal vynck hug(ar)den m(a)rtii vii[a]
Contributorshelga peeters
Moderated bykristiaan magnus
Last update: 2017-03-17 by Jos Jonckheer