Wij jan vande(n) borchove(n) en(de) jan van oppendorp scepen(en) van loven(en) doen cond en(de)/ kenlic allenliede(n) dat van alsulken stote en(de) gescille als opv(er)staen en(de) geweest sijn/ tusschen qu(in)ten vanden eynde draeye(r) in deen sijde en(de) jaspar de greete(re)/ in dande(re) Alse van hoe(re) beyder erve bij een gelege(n) inde borchst(ra)te tussche(n) de/ goede gielijs uute(n) lyemynge(n) en(de) de goede in deen sijde en(de) de goede henr(ix)/ moelen in dande(re) dair af dat de voirs(creven) p(ar)tien hen gekeert hebben ind(er)/ stat geswoe(re)n meest(ere)n en(de) wercliede en(de) hen verobligeert en(de) geloeft te/ houde(n) voir scepen(en) van loven(en) soe wes de selve meest(ere)n en(de) wercliede dair/ af t(er)mine(re)n soude(n) Sijn come(n) voir onss scepen(en) van loven(en) voirs(creven) meest(er)/ jan paen en(de) meest(er) jan vand(er) brugge(n) geswoe(re)n wercliede d(er) stat van loven(en)/ voirs(creven) en(de) hebben hoe(re) t(er)minacie en(de) uutsprake tusschen de voirs(creven) p(ar)tien vanden voirs(creven)/ gescille gedaen en(de) uutgesproke(n) op hoe(re)n eedt ind(er) manie(re)n h(ier) nae volgende Inde(n)/ yersten dat den muere tusschen hoe(re) beyd(er) erve staende hen beyde(n) gemeyn toe/ behoe(re)n sal te wete(n) elke(n) van hen de helcht d(aer) af en(de) alsulke(n) amarise als elc/ van hen op sijn sijde d(aer)inne heeft doen make(n) die eve(n) diep sijn dat die selen/ bliven staende ind(er) manie(re)n dat sij gemaect sijn Item dat de voirs(creven) qu(in)ten/ sijn kep(er)s en(de) plate(n) die [hij] op de helcht vande(n) muere des voirs(creven) jaspars geleeght/ en(de) gestrect heeft nae hen [hem] trecke(n) sal en(de) corte(n) sal van hoe(re) beyd(er) scoersteen/ tot d(er) strate(n) toe en(de) die leggen op sijn helcht vande(n) voirs(creven) muere alsoe/ dat jaspar voirs(creven) d(aer) af aen sijn erve gheen hynd(er) en hebbe en(de) aldair
//
sal de voirs(creven) qu(in)ten sijn wat(er) op sijn erve af leyde(n) ter st(ra)ten w(er)t En(de)/ van beyde(n) hoe(re) scoersteene(n) ter dilen v dylen w(er)t daer sal des voirscr(even)/ qu(in)tens ty(m)meringe(n) bliven staende alsoe sij steet en(de) de voirscr(even) jaspaer/ sal aldair een gote leggen alsoe verre als sijn huys gheet om des/ voirs(creven) qu(in)tens wat(er) ter dilen w(er)t sijne(n) ganc te hebben en(de) die gote/ sal de selve jasp(ar) op sijne(n) cost voirtaen erflic houden Item want de/ voirs(reven) qu(in)ten doer den muere des voirs(creven) jasp(ar)s sijn balken geanckert/ heeft ov(er) de sijde [des] selfs jasp(ar)s Soe sal jasp(ar) [voirs(creven)] desgelijcs sijn balke(n) ancke(re)n/ op de sijde des voirs(creven) qu(in)tens Ende dit selen sij malcande(re)n voldoen/ sond(er) vertreck Ende hebben geloeft beyde de voirs(creven) p(ar)tien malcande(re)n/ vand(er) voirs(creven) saken altoes genoech te doen also dat elke(n) van hen/ vast en(de) seker sijn sal sept(embris) xxv