Tvo(n)nis tusschen wouter py(n)nock et god(er)t bone/ It(em) het syn come(n) in rechte voir meyere en(de) scepen(en) van loven(en)/ die goede hier na bescreve(n) wouter pynnoc in deen side en(de) / godert bone in dander daer die voirs(creven) wout(er) py(n)noc bewijsde/ alsoe hi segghen dede dat na den goeden vo(n)nisse biden he(re)n scepen(en)/ van loven(en) voir s(in)[t] jans misse lestleden gewijst va(n) eene(n) weghe/ geleghen achter tvleeschuys van loven(en) binnen der porte(n) geheete(n)/ meester goffroits porte de voirs(creven) gort hem onghebruyc dede/ want die selve gort doer syn vorste huys ghinc doer een dore/ tot int echterste huys en(de) van daer voert tot opden voers(creven) wech en(de)/ doer die voers(creven) porte ter straten w(er)t en(de) weder vander straten/ doer die porte en(de) over den wech tot in syn echterste huys en(de)/ voert doer die voers(creven) dore tot in syn vorste huys dwelc de/ voers(creven) wouter pynnoc hoepte dat hy niet sculdich en wae(re) te doen/ na die goeden vo(n)nissen voirmaels daer op ghewijst met welken/ stucken voers(creven) de voers(creven) gort den voers(creven) wech grotelic verswaerde/ voirder dan tvo(n)nis gewijst hadde hoepte en(de) meynde dat gort/ die dore die hy tusschen syn huys en(de) sinen stal ghemaect hadde/ toedoen en(de) vermaken soude daer op dat die voers(creven) gordt/ antworde dat hi hoepte na die goede vo(n)nissen die die scepen(en)/ voer s(in)[t] jans misse ghewijst hadden dat hy oft god wilt die/ dore niet sculdich [en] ware toe te maken en(de) dat een onmoghelic/ dinck ware dat hy van sine(n) huys in syne(n) stal niet gaen en/ soude moghen want beyde syn erve ware Badt en(de) versocht/ den meyere van loven(en) en woude wouter voers(creven) niet af laten/ dat hy die scepen(en) maende en(de) daets hem een vo(n)nisse Alsoe/ dat die meye(re) van loven(en) maende die scepen(en) van loven(en) na/ aenspraken en(de) ver antworden wes recht syn soude die/ wijsden voer een vo(n)nisse dat sij die scepen(en) die voer s(in)[t]/ jans misse waren begheerden te aenhoren en(de) dae(re)n tynden/ recht die aenghehoirt soe maende die meye(re) voert die/ scepen(en) wes recht syn soude die wijsden voer een vo(n)nisse
//
dat die voers(creven) gort bone syn ghebruyc hebben soude van/ syne(n) vorsten huys doer die dore tot in synen stal en(de) uut/ syne(n) vorsten huys doer die dore en(de) doer syne(n) stal opden/ wech niet come(n) en(de) vo voirt dat hy syn ghebruyc hebbe(n)/ sal doer dit porte over den wech tot in syne(n) stal Maer/ vanden selven weghe doer syne(n) stal tot in syn vorste huys/ niet come(n) en(de) den voirs(creven) wech niet voirder noch meer/ beswaren dan die vo(n)nissen voer ghewijst hebben dit ghesciede/ xxvii daghe in nove(m)bri anno xiiii[c] xxiii