Van willem(me) en(de) henrick/ walscharts gebruede(re)n/ Tvonnesse vanden gedinge dat ghehange(n) heeft tusschen willem(me) molema(n)/ goerde woyts en(de) mathijs der bove(n) die gegoet wae(re)n uut scepen(en) brieve(n)/ van loven(e) in deen zijde en(de) willem(me) en(de) henrick walschairts [gebruederen] in dande(re) alse/ van eene(n) huyse en(de) hove met den bogarde wynne(n)den landen en(de) euselen daer/ aen ghelegen en(de) met allen sine(n) toebehoirte(n) houden(de) tsame(n) vier boend(er)/ oft daer ontrent ghelege(n) te herssele om traemsel tusschen die goede/ henr(ix) van honshem en(de) die goede jans van bondele was uutgedragen/ met desen woirden nae aensprake antwerde thonisse en(de) na al dats/ voir die he(re)n die scepen(en) come(n) was dat den voirs(creven) willem(me) en(de) henrick/ hoe(r) kinsgedeelen volgen selen in die voirs(creven) goede also verre als noch voir/ die he(re)n scepen(en) come(n) is cor(am) eisdem