Cont sij allen lieden dat want ind(en) voerw(er)den ende come(n)scap die onlanx leden geschiet es tusschen/ warnir van daulez in deen sijde ende roelande van bourgevail sone h(ere)n roelants wilen van bourg(evail)/ ridders in dande(re) alse vanden slote goede ende heerlicheden van bourgevail met allen hoe(re)n/ toebehoirten die de voirscr(even) warnir jegen den voirs(creven) roelande ende h(ere)n roelande wilen sijnen/ vad(er) vercregen heeft gevorwert ende ond(er)sproken was dat de selve roelant tvoirs(creven) slot goede/ ende heerlicheide van bourgevail quiten ende lossen soude mogen bynnen iiii jae(re)n neest comende/ om enen prijs d(aer) af dat de voirs(creven) roelant vanden voirs(creven) warnir wael te vreden was en(de) es Soe/ es roelant voirscr(even) comen voe(r) scepen(en) van loven(en) h(ier) nae gemoemt ende heeft de voirscr(even) quitinge/ ende lossinge die hi hadde aen tslot goede ende heerlich(eide) van bourgevail voirs(creven) gehelic ende al/ volcomelic quijt gescouden tot eweliken dagen kynnende ende leynde lyende hem gheen quitinge lossinge/ noch ne gheenrande recht d(aer) aen te behouden in ennig(er) maniren Ghelovende de selve roelant den/ voirscr(even) warnir noch sijn goede [van borg(evail)] voirscr(even) daer af nummermeer aen te spreken noch te doen/ aen spreken in gheenre wijs h(ier) waeren ov(er) borch(oven) pynnoc iunior octobr(is) v