Van henricke tainguisart smet/ Item uut dien dat jan de rieu int jaergedinge voir meye(r) en(de) scepen(en)/ van loven(en) aensprac hubeerde del vail van quaden woirde(n) die de voirs(creven)/ jan meynde dat hem de voirs(creven) hub(er)t aengesproke(n) hadde alsoe hi boet te thoene(n)/ eysschende daer af bet(er)nisse te hebben en(de) nae verantw(er)den des selfs hubeerts/ tot sine(n) thoenisse gewijst waert daer toe dat hi p(rese)nteerde mathise va(n) gheete/ janne int haenken en(de) henricke tainguysart welken henricke tainguysart/ de voirs(creven) hub(er)t dede batte(re)n meynende dat hi niet tuyghen en soude nae de/ correctie en(de) gebode die over hem uutgelesen wae(re)n En(de) de voirs(creven) jan de rieu/ hoepte en(de) meynde dat hi sijn conde tuyghen en(de) dragen soude en(de) dat de correctie/ des niet in en hadde hi en soude wael mogen dragen en(de) des genueghde hem/ wel tvo(n)nisse Soe maende de meye(r) van loven(en) daer op de scepen(en) de wijsden/ voir een vo(n)nisse dat de voirs(creven) henric tainguysart wael tuyghen mochte/ p(rese)nt(ibus) eg(idio) rike jacobo ex lye(ming)[en] joh(ann)e de borch(oven) iunio(r)e paulo coste(re) et pet(r)[o] willem(air)/ scab(inis) lov(aniensibus) ja(nuarii) xii anno xiiii[c] xxix/