Cond zij allen lieden dat claes van ende van waenrode es/ come(n) in jeg(enwerdicheit) d(er) scepen(en) van loven(en) en(de) heeft genome(n) en(de)/ bekent dat hij genome(n) heeft van everarde van grymde wonen(de)/ te loven(en) inde dorpstrate thof des selfs everarts gelege(n) te daelhem/ inde p(ro)chie van cortbeke ov(er)loe met den wy(n)nende(n) lande beemde ende/ eeusselen den selven hove toebehoe(re)nde Te houden te hebben en(de) te/ wynne(n) h van half meerte naestcomen(de) ene(n) t(er)mijn van sesse jae(re)n/ langc deen na dand(er) dair na staphans sond(er) middel volgende Elx/ jaers dae(re)n bynne(n) om alle de helcht van allen den coerne en(de) vruchte(n)/ op de voirs(creven) goede jaerlex wassende op also dat de voirs(creven) wy(n)ne toeghste/ tvoirs(creven) coe(re)n tijtveerdichlic sal doen afdoen en(de) inde(n) bant leve(re)n en(de) alst/ opgebonde(n) en(de) opt velt gedeylt es dan sal de voirs(creven) wy(n)ne des voirs(creven)/ everaerts helcht t(er) stont inde schue(re) vue(re)n op also dat de voirs(creven) wy(n)ne/ over and(er) voeder hoe(re) [sijn] coe(re)n laden en(de) inne selen [sal] moege(n) vue(re)n It(em) selen [sal]/ hebben de voirs(creven) wynne(n) jaerlix den beemt en(de) den bogart den selve(n) hove/ toebehoe(re)nde o(m)me acht arnhemsche gul(den) goet en(de) gheve oft de weerde/ d(aer) af in ande(re)n goede(n) ghelde te sente mertens misse inden wynt(er) te/ betale(n) jaerlix den voirs(creven) t(er)mijn due(re)nde en(de) telke(n) t(er)mine als v(er)volghde/ schout It(em) selen de voirs(creven) everaert en(de) wynne doeft inden voirs(creven) bogart/ wassende half en(de) half deylen ende de voirs(creven) wynne sal die ter eerden/ leve(re)n op sijne(n) cost en(de) de helcht des voirs(creven) everarts den voirs(creven) ever(art)/ tot sijne(n) huys te loven(en) bringen Met vorwarde(n) wart dat de voirs(creven)/ everaert yet van sijnre helcht op den voirs(creven) bog(ar)t wassende v(er)cochte/ daer en selen sal de voirs(creven) wynne gheene(n) last noch co(m)mer mede/ hebben van lesen noch van vue(re)n It(em) sal de voirs(creven) everaert sijn coe(re)n
//
doen derschen en(de) de wynne sal den dersche(re) den montcost gheve(n) en(de) de voirs(creven)/ ever(aert) de dachue(re)n betale(n) en(de) tstroe en(de) caf sal den voirs(creven) wy(n)ne int hoff/ blive(n) It(em) es vorwerde dat de voirs(creven) everart den voirs(creven) wynne(n) [gheven sal] voe(r) den montcost/ die hij den dersche(re) gheve(n) [doen] sal van tween sacken coe(re)ns [elken vijf dage(n) een molev] een molevat coe(re)ns/ alsulx als de dersche(re) dair derschen sal Waert oic also dat de wynne hie(re)n by(n)ne(n)/ op de voirs(creven) goede crocken saeyde die selen de wynne(n) h sal de wy(n)ne geheel/ hebben en(de) de voirs(creven) everart sal voir sijn helcht also me(n)nich ma(n)delen evene(n)/ hebben als hij crocken gehadt soude hebben It(em) es vorw(er)de dat de voirs(creven) wy(n)ne den/ voirs(creven) everarde als tcoe(re)n gedorschen es sijn coe(re)n op sijne(n) cost te loven(en) leve(re)n sal/ It(em) sal de voirs(creven) wynne jaerlix den voirs(creven) t(er)mijn due(re)nde leve(re)n ii[c] thiensche walme(re)/ o(m)me de huysinge int voirs(creven) hof mede te houden en(de) dacroede(n) en(de) theen op v dwerc/ leve(re)n It(em) sal de voirs(creven) wynne den wercliede(n) den montcost gheve(n) also verre als/ hij de voirs(creven) ii[c] walme(re) verdect en(de) verplect en(de) niet voerder It(em) es vorw(er)de/ wart dat de voirs(creven) wynne oft sijn beeste(n) e(n)nige gate maecten oft wande braken/ int voirs(creven) hof dat hij dat sal doen maken op sijne(n) cost It(em) es vorw(er)de dat/de voirs(creven) wynne dat de voirs(creven) wynne alle jae(re) den voirs(creven) t(er)mijn due(re)nde halen/ sal op sijne(n) cost drie dusent staken so waer dat de voirs(creven) ever(aert) die coepe(n) sal/ by(n)nen eenre milen van dair en(de) die den voirs(creven) ever(aert) leve(re)n op den swane(n)berch/ op des selfs everarts wijng(ar)t It(em) sal de voirs(creven) wynne alle jae(re) den voirs(creven) t(er)mijn/ due(re)nde den voirs(creven) everarde te wijntide sijne(n) wijn van swane(n)berge met drie/ p(er)den tot sijne(n) huys te loven(en) vue(re)n It(em) sal de voirs(creven) wy(n)ne den voirs(creven) ever(aert) alle/ jae(re) hie(re)n bynne(n) drie dage corweyden Ende of de voirs(creven) everart op sijn goede/ voirs(creven) e(n)nich hout dade maken dat heeft geloeft de voirs(creven) wy(n)ne te leve(re)n/ tot des voirs(creven) ever(aerts) huys te loven(en) Ende wart also dat dair e(n)nich hout/ verdroeghde van willege(n) van popele(re)n oft van luycboeme(n) dat sal de wy(n)ne/ moegen afhouwe(n) en(de) voir elken verdroeghde(n) boem twee levende pote(n) sette(n)/ vande(n) selve(n) aerde It(em) sal de voirs(creven) wy(n)ne int voirs(creven) hof houde(n) den voirs(creven)/ t(er)mijn due(re)nde lxxv scape It(em) es vorwarde dat de voirs(creven) wy(n)ne de/ voirs(creven) lande jaerlix getidichlic wy(n)nen en(de) besaeyen sal op hoe(re) getidege/ voe(re)n en(de) de selve lande late(n) sal ten eynde vande(n) voirs(creven) t(er)mine gelijc hijse/ vant te sijne(n) income(n) Dats te wete(n) vier en(de) een half boend(er) en(de) i(½) dach(mael)/ lands met rogge besaeyt op vier getidege voe(re)n en(de) een half boend(er) met/ tarwe(n) besaeit en(de) vijf dach(mael) op den nuwe(n)bosch met rogge besaeit op drie/ getidege voe(re)n drie en(de) een half boend(er) lants op een voe(r) gestort drie boend(er)/ braken op een voe(r) en(de) de messie selen sij bloet late(n) dmest op dlant gelevert/ en(de) den bogart en(de) de beemde ten eynde vande(n) t(er)mine wel bevreet late(n) It(em)/ sal de voirs(creven) net ever(aert) behoude(n) int voirs(creven) hoff den solde(re) bove(n) de nuwe came(re)/ tot sijne(n) behoef Ende es ond(er)sproken wart dat de voirs(creven) ever(aert) en(de) de wynne/ te halve(n) tide scheide(n) woude(n) dat de ghene die scheide(n) woude dat den/ ande(re)n te voe(re)n segge(n) soude ten naeste(n) s(en)t jans misse voir half m(er)te dat hij/ soude willen scheide(n) It(em) mach de voirs(creven) wy(n)ne jaerlix saeyen op de voirs(creven) lande/ een molevat lijnzaets sond(er) den voirs(creven) ever(aert) d(aer) inne e(n)nich recht te behoude(n)/[en(de) alle dese vorwarden etc(etera) des voirs(creven) wy(n)nen claes van ende sijn sone p(ri)us ema(n)cip(atus)] h(ier) af sijn borge(n) etc(etera) jan moens en(de) vrancke scup(er)s beyde van wersbeke Et p(ri)m(us)/ coste(re) wante febr(uarii) xxi/