Van willem(me) lyemynx/ Item want henrick vander horst die met scepen(en) brieven van loven(en) metgaders/ lambrechte en(de) henricke spluegers geneeve(n) geleyt wae(re)n tot alle(n) den goeden/ have en(de) erve henrix wilen henrix wilen spluegers hoers neven Welke brieve/ voirs(creven) m(ar)griete weduwe des selfs wilen henrix spluegers nae de doet va(n)/ hue(re)n man voirs(creven) bracht heeft en(de) geleegt inden handen des voirs(creven) henrix/ vander horst nae vele goets ond(er)wijs dat hem d(air) af gedaen wart/ voe(r) de borg(er)meest(ere)n scepen(en) en(de) rade vand(er) stat van loven(en) openbairlijc/ gekijnt en(de) toegeseegt heeft dat hij met den voirs(creven) brieven niet anders/ en begheerde te doin noch doen en woude dan dat willem lyemynx/ wettich man yden swilen spluegers en(de) docht(er) henrix wilen spluegers/ des selfs willems sp sweer die de voirs(creven) brieve bekent hadde sijn/ tocht in alle de voirs(creven) goede des selfs henrix wilen spluegers sijns/ sweers hebben soude en(de) die erfgename(n) des selfs henrix pluegers/ oft m(ar)griete(n) sijns wijfs die erflicheit vande(n) selve(n) goeden Soe is/ ov(er)dragen bij den borgemeest(ere)n scepen(en) en(de) rade voirs(creven) dat de voirs(creven)/ henrick vand(er) horst [die] de voirs(creven) beleyt brieve in sijnre macht heeft/ opte(n) tijt van nu met den selve(n) brieven nu(m)m(er)meer anders doen en/ sal dan hij voe(r) de voirs(creven) borg(er)meest(ere)n scepen(en) en(de) rade toegeseegt/ heeft gelijc voirs(creven) is en(de) dat anders oec niet gedaen noch/ gescien en sal metten scepen(en) brieven die de voirs(creven) wille(m) lyemynx/ henricke den grove(n) bekent heeft dan alsoe voirscr(even) steet cor(am)/ jud(oco) abs(oloens) et walt(ero) py(n)noc iunio(r)e oct(obris) xx[a] a(n)no xxx[o]