Van h(er)ma(n)ne vanden wate(re) heyn/ wate(re)/ Tvo(n)nisse tusscen jacob vanden bossche soen jans wilen vande(n) bossche/ in deen zijde en(de) h(er)ma(n)ne vanden wate(re) in dande(re) alse van ene(n) heergewede/ en(de) man van leene dien de voirs(creven) h(er)man begheerde te hebben van ene(n)/ mudde rogs erfs pachts aen seke(re) goede gelege(n) te leemputte inde/ p(ro)chie van westerle dieme(n) vande(n) voirs(creven) h(er)man te leene houden(de)/ es tusschen de h(er)strate en(de) de goede gords moens uut welken/ mudde rogs erfs pachts de voirs(creven) wilen jan vande(n) bossche gestorve(n)/ es Was uutgedrage(n) met desen woirden nae aensprake na/ antw(er)de en(de) nae thoenisse dat de he(re)n scepen(en) van loven(en) ter/ manissen smeyers wijsden en(de) sette(n) met hoe(re)n vo(n)nisse de voirs(creven)/ p(ar)tien en(de) de ghene dies aengaen mach inden hoff dair de/ goede hoven aldair malc jegen ande(re)n recht te gheve(n) en(de) te/ neme(n) P(rese)nt(ibus) joh(ann)e de borchove(n) iudoco absoloens goess(uino) ouderogge/(et) dyonisio boys jun scab(inis) lov(aniensibus) junii s(ecund)[a]