Van gielijse jacops/ Item is ov(er)dragen inder stat rade dat jan de wuwe trecke(n) sal met/ gielijse jacobs voe(r) hof en(de) he(re) daer die goede ghelegen sijn die/ de voirs(creven) gielijs met sijne(n) medegesellen momboe(re)n heyns wuwen/ des voirs(creven) jans soen voe(r) tijts voe(r) de late symoens va(n) ophem/ opgedragen hadden Ende aldaer der voirs(creven) goede afgaen en(de)/ d(aer) inne goeden daneele va(n) buyten die(n) de selve goede/ voirtijts vande(n) voirs(creven) mo(m)boe(re)n ontfaen hadde en(de) ald(aer) voe(r)/ scepen(en) van merchte(re) gheloven den voirs(creven) heynen sijne(n) soen/ te v(er)vane en(de) in dien te hebben soe wa(n)neer dat hij bynne(n)/ lants comen sal sijn dat hij den voirs(creven) daneele vander/ erflich(eit) goeden en(de) vestigen sal alsoe dat den voirs(creven) daneele/ ghenoech sijn sal en(de) d(aer) af sal de selve jan de wuwe goede/ borghen setten die d(aer) goetgenoech voe(r) sijn sullen En(de) dit/ gheschiet sijnde en(de) alle voe(re) vo(n)nissen bijden scepen(en) van loven(en)/ ghewesen voldaen sullen sijn die sal de voirs(creven) gielijs jacops/ den voirs(creven) ja(n)ne de wuwe v(er)nuegen va(n) alsulken gelde alse de/ vo(n)nissen voe(re) d(aer) af gewesen inhoude(n) en(de) beg(ri)pen cor(am) lye(ming)[en]/(et) voshem burg(i)m(a)g(ist)ris en(de) meer ande(re) vande(n) rade m(ar)tii p(ri)ma