It(em) want stoet en(de) tebat opv(er)staen es en(de) geweest heeft tusscen mathijse/ van halmale in deen zijde henricken vekenstijl sijne(n) swage(r) natuerlic soen/ h(e)ren willems vekenstijl priest(er)s en(de) ja(n)ne vande(n) grate bastart die beleidt/ es tot den goede(n) lijsbette(n) wilen van ee(re)nboudege(m) dieme(n) hiet van rode/ in dande(re) alse van seke(re)n erve gelege(n) te rotselair en(de) vand(er) huweliker/ vorw(er)den [die] den voirs(creven) v mathijse met alite(n) sijne(n) wive [oft met hoe(re)n voirman] geloeft soude(n) sijn Ende/ voirt van allen ande(re)n saken en(de) stucken hoedanich die sijn moegen en(de)/ die de voirs(creven) p(ar)tien gaens hebbe(n) gehadt deen jege(n) den ande(re)n alsoe/ wale die de voirs(creven) mathijs [van] vande(n) stote vand(er) huwelik(er) vorw(er)den die de/ voirs(creven) h(er) willem den voirs(creven) mathijse geloeft soude hebben en(de) vande(n) dage(n)/dat de selve mathijs den voirs(creven) h(e)ren willem(me) te ludic heeft doen/dagen [en(de) des d(aer) aen cleeft] als and(er)s van wat saken dat sijn die sij gaens hebben tot/ opte(n) dach van heden Soe sijn beyde de voirs(creven) p(ar)tien come(n) voir scep(enen) van/ loven(e) en(de) sijn vande(n) voirs(creven) stote bleve(n) en(de) hebben hen des gekeert in/ segge(re)n en(de) vrientlic yffene(re)n te wete(n) de voirs(creven) mathijs in ja(n)ne vande(n)/ veken voirspreke en(de) ja(n)ne ti henr(icke) ty(m)merma(n) van rotselair en(de) de/ voirs(creven) henr(ick) vekenstijl en(de) jan vande(n) grate in henr(icke) merx en(de) ja(n)ne/ leed(er)bijl In alsulker vueghen dat de want de voirs(creven) p(ar)tien beyde t/ meyne(n) in gebreke tsijn dat elec elc sijne(n) eysch sette(n) sal in gescrifte/ en(de) dat [dien] ov(er)geve(n) elc p(ar)tie den segge(re)n van sijnre wep(ar)tien [oft den ene(n) van hen] bynnen/ viii dagen naistcomen(de) d(aer) op dat elc p(ar)tie vande(n) voirs(creven) p(ar)tien sijn v(er)antw(er)de(n)/ maken sal en(de) dat oec sette(n) in gescrifte en(de) dat ov(er)geve(n) elc p(ar)tie den/ segge(re)n van sijnre wed(er)p(ar)tien [oft den ene(n) van hen] bynne(n) viii dage(n) d(aer) nae volgende welke/ segge(re)n aensprake aengehoirt dbesceit van beyde(n) p(ar)tien hoir segge(n) d(aer) af/ utenen en(de) seggen selen bynne(n) viii dage(n) d(aer) nae volgen(de) op dat sijs/ eens sijn en(de) van accoerde en(de) en costens sijns sijs niet eens ghe/ worden soe soude(n) sij come(n) met allen de(n) besceide voir scep(enen) van/ loven(e) bynne(n) viii dage(n) d(aer) nae volgen(de) en(de) halen des een vo(n)nisse gelijc/ ofts p(ar)tien met den rechte ged(aen) hadde(n) Voirt es vorw(er)de w(er)t also/ dat e(n)nich(er) p(ar)tien segg(er) gebrake dat hij ene(n) ande(re)n in die stat/ sette(n) sal moege(n) (et)c(etera) En(de) hebben gel(oeft) (et)c(etera) Voirt heeft geloeft de/ voirs(creven) mathijs alite(n) sijn wijf h(ier) inne te v(er)vaen dat sij vast en(de) gesteedich/ houde(n) sal (et)c(etera) in melio(r)i forma hug(ar)den voshem nove(m)br(is) xiiii

Mathijs van halmale en(de) henr(ick) vekenstijl voir he(m) en(de) he(n)neke(n) vande(n) g(ra)te dien hi geloeft heeft te vervaen hebbe(n) den voirs(creven) tijt/ verlengt xiiii dage cor(am) py(n)noc lomb(ar)t dec(embris) x

Ind(er) selv(er) manie(re)n hebben de selve p(ar)tien den voirs(creven) tijt voirt v(er)lengt xiiii dage vync voshe(m) dec(embris) xxiii

It(em) mathijs van halmale heeft geloeft voir den borg(er)meest(er) everart van wynge sijn segg(ere)n/ h(ier) af te b(ri)ngen van en maendage neestcomen(de) ov(er) viii dage ja(nuarii) x/ /

It(em) de voirs(creven) p(ar)tien hebben tvoirs(creven) comp(ro)mis v(er)lengt noch xiiii/ nacht langt hug(ar)de(n) voshem ja(nuarii) x