It(em) want stoet en(de) tebat opv(er)staen es en(de) lange(n) tijt geweest heeft/ tusscen h(e)ren ja(n)ne boets prieste(r) die ov(er)midts vo(n)nisse van scep(enen) brieve(n) van/ loven(e) beleidt es tot allen den goede(n) beruerlic en(de) omberuerlic andries/ wilen boets sijns vaders in deen zijde en(de) jan van bruessel als mo(m)boir/ lijsbette(n) boets sijns wijfs sust(er) des voirs(creven) h(er) jans in dande(r) zijde alse/ vanden goede(n) beruerlic en(de) omberuerlic gebleve(n) nae de doet des voirs(creven)/ wilen andries en(de) die blive(n) selen nae de doet katline(n) palmeve(re)n? wedewe/ des voirs(creven) wilen andries Soe sijn beyde de voirs(creven) p(ar)tien come(n) voir scep(enen)/ van loven(e) en(de) sijn vanden voirs(creven) gescille bleve(n) en(de) hebben hen des gekeert/ in segge(re)n en(de) vrientlic yffene(re)n te wete(n) de voirs(creven) h(er) jans in h(e)r(e)n/ henricken smet canter van lyere en(de) in henricken colibrant wonen(de)/ tantw(er)pen en(de) de voirs(creven) jan van bruessel in meest(ere)n goerde cro(m)me deken/ te lyere en(de) in pete(re)n den verwe(re) in alle alsulker vuege(n) dat de voirs(creven)/ jan van bruessel sijne(n) eysch sette(n) sal in gescrifte en(de) dat [dien] ov(er)geve(n) den/ segge(re)n des voirs(creven) h(e)r(e)n jans bynne(n) xiiii nachte(n) neestcomen(de) d(air) op de voirs(creven)/ h(er) jan sijn v(er)antw(er)den make(n) en(de) sette(n) sal in gescrifte en(de) dat ov(er)geve(n) den segg(ere)n/ des voirs(creven) jans van bruessel bynne(n) xiiii nachte(n) d(air) naistvolgen(de) welke segg(ere)n/ eysch en(de) v(er)antw(er)den ov(er) gehadt van beyde den voirs(creven) p(ar)tien getuyge(n) d(air) op/ v(er)hoe(re)n selen moege(n) op dats hen gelieft en(de) hoer segge(re) d(air) af segge(n) en(de)/ utene(n) selen bynne(n) xiiii nachte(n) dair na naistvolgende op dat sijs eens sijn en(de)/ van accoerde en(de) en costens sijs niet eens geworden soe soude sij come(n)/ met alle den besceide dat sij d(air) af sele(n) hebbe(n) voir scepen(en) van loven(e) en(de) halen des
//
een vo(n)nisse gelijc ofts p(ar)tien met den rechte gedingt hadde Ende es/ mede bevorw(er)t wart alsoe dat e(n)nich p(ar)t vand(er) voirs(creven) p(ar)tien segg(eren) gebrake/ dat die in die stat ene(n) ande(re)n goede(n) man in die stat neme(n) soude/ moege(n) sond(er) argelist Insup(er) p(ro)mis(it) Ende hebbe(n) gel(oeft) beyde de p(ar)tien/ vast en(de) gestentich te houde(n) wes de voirs(creven) segg(ere)n vande(n) voirs(creven) stote/ eendrechtichlic segge(n) selen oft [dat] de scep(enen) van lov(en) hen voir een segge(n)/ van rechte le(re)n selen Insup(er) p(ro)mis(it) d(i)c(t)us joh(ann)es de bruxella p(ro)stare/ d(i)c(t)am sua(m) uxore(m) (et) d(i)c(t)us d(omi)n(us) joh(ann)es d(i)c(t)am sua(m) m(at)rem in melio(r)i/ forma lye(mingh)[en] hug(ar)den dec(embris) xi