It(em) jan meerten van meylhem es come(n) in jeg(ewordicheit) d(er) scep(enen) van loven(e)/ en(de) heeft genome(n) en(de) bekent dat hij g(enomen) heeft van adriaen van/ enichove(n) xii boend(er) wynnents lands des voirs(creven) adriaens gelege(n)/ tusscen walsb(er)ge en(de) hespe ov(er)hespen in me(n)nig(er)ha(n)de stucke ald(aer) Te houde(n)/ te hebben en(de) te wynne(n) van halfm(er)te lestleden ene(n) t(er)mijn van/ sesse ja(r)en lang deen nae dand(er) sond(er) middel volgende elx/ jaers dae(re)n bynnen om xlii mudde harts co(r)ens goet en(de)/ payabel pacht en(de) mate van thiene(n) te wete(n) sesse halst(er)/ d(er) selv(er) mate(n) voir een mudde ge(re)kent te s(in)te andr(iesmisse) ap(oste)l te betalen/ en(de) te thienen oft bynne(n) eenre milen nae thiene(n) [te leve(re)n] gelevert [te leve(re)n] d(aer)t/ adriaen best genuege(n) sal alle jair den voirs(creven) t(er)mijn due(re)nde quol(ibet)/ ass(ecutu)[m] It(em) es vorw(ar)de heeft noch genome(n) de voirs(creven) jan en(de) bekent/ dat hij genome(n) heeft jege(n) den voirs(creven) adr(iaen) xiii zillen lands geleg(en)/ tussce(n) orsmale en(de) goessenhove(n) Te houde(n) en(de) te hebben van halfm(er)te voirs(creven)/ ene(n) t(er)mijn van xii sesse ja(r)en langc elx jairs dae(re)n bynne(n) om/ derthien mudde harts co(r)ens pacht en(de) mate voirs(creven) te betalen en(de)/ te leve(re)n gelijc voirs(creven) steet t alle jair den voirs(creven) t(er)mijn due(re)nde quol(ibet)/ ass(ecutu)[m] It(em) es vorwarde dat de voirs(creven) jan m(er)ten de voirs(creven) lande laten/ sal ten uutgaen vanden voirs(creven) t(er)mine gelijc hijse vant te sijnen/ aencome(n) te wete(n) iiii boend(er) besaeit met wynt(er)coirne geslage(n) op/xlii [xxxii] mudde d(aer) om es vorw(ar)de wairt also dat int leste jair bet(er)/ vonden worde dan xlii [xxxii] mudde dat soude den voirs(creven) ja(n)ne te bate(n) come(n)/ wairt oec also dat arg(er) vonden wa(r)e dat soude de selve wynne adriaen/ oprichten tot xlii [xxxii] mudde(n) toe sond(er) argelist It(em) iiii boend(er) storte/ d(aer) af dat i(½) boend(er) was eens omgedaen It(em) iiii boend(er) brake half/ omgedaen It(em) es dat sal de voirs(creven) wynne de voirs(creven) i lande wy(n)nen en(de)/ w(er)ven [en(de) mesten] gelijc reengenoete(n) bove(n) en(de) beneden en(de) also dicke als de voirs(creven) wy(n)ne/ de voirs(creven) lande hoir vrucht also me(n)nichw(er)ve(n) sal hijse moete(n) ov(er)mesten
//
Alle dese voirs(creven) vorw(ar)den geloften en(de) condicien hebben geloeft/ de wy voirs(creven) wynne in deen zijde en(de) de voirs(creven) adr(iaen) in dande(re)/ malcande(re)n (etcetera) H(ier) af es borge des voirs(creven) wynn(en) als p(ri)ncip(ael)/ sculd(er) onges(undert) en(de) ongesc(eiden) robbeert van meylhem sijn sone te/ voe(re)n uut sijns vad(er)s broede gedaen Et p(ri)m(us) hug(ar)d(en) voshe(m) ja(nuarii) xxix