Van henricken mertens jans merten sone/ Tvonnisse tusschen henricke mertens sone jans merten die overmidts vonnisse van scepen(en)/ brieven van loeven(e) geleit es totten goede(n) des selfs jans sijns vaders in deen sijde ende janne va(n)/ ophoven jans sone was in dande(re) alse vanden goede(n) hier nae bescreven gelegen te hespen en(de) te/ nederhespen te weten (½) boender lants gelegen achter jans van binckem hof tusschen de hoegh/ meester van chantrain en(de) huben vander haghen Item (½) zille lants gelegen bijde(n) nethelen/ bosch tusschen de goede der armen van overhespen en(de) de kinde(re) lauwreys Item de helcht/ van onderhalve zille lants gelegen achter henrix ghent hoff tusscen de goede balloy van ophem/ en(de) jans bost Item i(½) sille lants gelegen inde wanger couthe(r) tusscen de strate in beyde(n) zijde(n)/ Item i(½) zille lants gelegen tusscen de goede d(er) h(ere)n van sente mychiels lauwreys en(de) de p(er)soen/ van guessenhoven Item i zille beemts gelegen tusschen de goede jans van errenberghe en(de) de goede/ marie(n) ghent Item (½) boend(er) lants gelegen bij tcruysken tusschen wanghe en(de) hakendovel Item (½) zille/ lants gelegen tusschen de goede meester vranx pilecpeert Was uutgedragen met desen woirde(n) nae aensprake/ nae antwerde ende nae thoenisse dat den voirs(creven) henricke(n) merten en(de) sijnen beleyde de voirs(creven) goede volgen soude(n)/ alsoe verre alst noch voir de scepen(en) comen was P(rese)ntib(us) will(el)mo lambart jacobo ex leyminge(n) mychaele/ absoloens ar(noldo) vynck joh(ann)e de hugarde(n) m(ar)cii xxix