Vanden gedinge dat gheweest heeft tussche(n) roeloff boxho(r)en in deen zijde ende/ woute(re)n van breyeshem in dande(re) alse van dat de voirs(creven) roelof met eene(n)/ ghestijpte ende heymelicheide(n) schelve van wijng(ar)de ende ande(re)n houte den/ vesten vand(er) stat te nae gheva(r)en was en(de) met den voirs(creven) erve d(aer) de voirs(creven)/ stucken op stonden welke de goede de voirs(creven) roelof den voirs(creven) woute(re)n vercocht/ heeft ende hem geloeft d(aer)af genoech te doine hebben hen beyde de/ voirs(creven) p(ar)tien ghekeert in meest(er) ja(n)ne vand(er) bruggen ende meester/ plissis van vorst d(er) stat gesworen meest(ere)n ende wercliede en(de) geloeft/ vast ende gestedich te houden wes de voirs(creven) meest(ere)n d(aer) af t(er)mineren en(de)/ uutspreken selen De welke de meest(ere)n voe(r) scepen(en) van loven(e) hier nae/ genoempt hue(r) voirs(creven) uutsprake en(de) t(er)minacie hier af geseeght e(nde)/ uutgesproken hebben op hue(re)n eet ind(er) manie(re)n h(ier) nae volgende/ te wete(n) dat de voirs(creven) roelof den voirs(creven) woute(re)n voe(r) allet ghene/ des voirscr(even) is en(de) des hem af is get(er)mineert dat d(er) stat en(de) hue(re)n/ vesten toebehoirt gheve(n) sal neghen ph(ilipp)us scilde die te betale(n)/ tussche(n) dit en(de) paessche(n) naestcomen(de) als v(er)volghde schout pynnoc/ miles vynck ap(ri)l(is) iii