Cond zij allen lieden dat h(er) gielijs keyenoge abdt scloesters van vileer/[es come(n) in jeg(enwoirdicheit) d(er) scep(enen) van lov(en)] en(de) heeft gegeve(n) en(de) bekent dat hij gegeve(n) heeft van des voirs(creven) godshuys/ weghen ja(m)marde daire de goede des selfs cloesters ghelegen te bossut/ in wynne(n)de lande beemde(n) eeusele(n) bosschen tsijse en(de) allen sijne(n) toebehoirte(n)/ gelijc h(er) jan wilen van bossut die goede ald(aer) te houde(n) plach en(de) niet/ voirde(r) te houden te hebben en(de) te wynne(n) van halfm(er)te naestcom(ende)/ eene(n) t(er)mijn van drie jae(re)n lang deen nae dand(er) d(aer) nae sonder/ middel volgende elx jaers dae(re)nbynne(n) om xx mudde rox en(de)/ xx mudden tarwen elc co(r)ens goet en(de) paeyabel met wanne en(de)/ met vede(re)n wael bereyt d(er) maten van loven(en) te s(en)[te] andr(ies) misse/ apost(els) te betalen en(de) te loven(en) bynne(n) der herbergen des voirs(creven) godsh(uys)/ te leve(re)n alle jae(re) (et)c(etera) Oec sal de voirs(creven) ja(m)mart den voirs(creven) t(er)mijn/ due(re)nde jaerlix betale(n) allen co(m)mer en(de) last uut den voirs(creven) goede(n)/ gaende sond(er) afslach vande(r) voirs(creven) pachte Oec is vorw(er)de dat/ de voirs(creven) ja(m)mart bynne(n) den voirs(creven) t(er)mijne den voirs(creven) m(ijn) he(r) den abdt ov(er)/ leve(re)n sal in gescrifte alle de voirs(creven) goede met hue(re)n reengenoete(n) en(de)/ desgelijx alle de pande vande(n) tsijse tot de(n) selve(n) goede(n) behoeren(de) also/ v(er)re als hij dat gedoen sal co(n)nen te sijne(n) rede pynnoc miles lye(ming)[en] no(vembris) xx[a]