It(em) cond zij allen lieden dat goessen vanden bossche van rode bij cortelke/ es come(n) in jeg(ewordicheit) d(er) scepen(en) van lov(en) en(de) heeft genome(n) en(de) bekent dat hij/ genome(n) heeft jegen wout(ere)n sweertvege(re) thof des selfs wout(er)s met den/ huysen hoven beemden eeusselen en(de) wynne(n)den lande dair toe hoe(re)nde geleg(en)/ ter eerct [eect] inde p(ro)chie van rode bij cortelke Te houden te hebben en(de) te/ wynne(n) van halfm(er)te neestcomen(de) ene(n) t(er)mijn van twelf ja(r)en langc/ deen nae dand(er) d(air) nae sond(er) middel volgende dats te wete(n) de voirs(creven)/ wynnende lande elx jairs dae(re) bynne(n) op de helcht vande(n) corne en(de) vruchte(n)/ die d(air) op wasse(n) selen ende de wynne sal [den voirs(creven)] wout(ere)n v sijn helcht jairlix/ als sij opt velt gebonden sal sijn in sijn schue(r) aldair vueren eer hij/ sijn helcht kiezen mach ocht ewech vueren sal moege(n) It(em) sal de voirs(creven)/ wout(er) jairlix sijn helcht vande(n) voirs(creven) coirne doen derschen en(de) dien/ derssche(re)n sal de voirs(creven) wout(er) wynne den cost gheve(n) en(de) wout(er) de/ dachue(re)n ende de voirscr(even) wynne sal den voirs(creven) woute(re)n jairlix sijn/ co(r)en te loven(e) leve(re)n en(de) dair voir sal hij behoude(n) en(de) hebben caf ende/ crientsen It(em) sal de voirs(creven) wynne jairlix den voirs(creven) t(er)mijn due(re)nde de/ beemde en(de) eeussele ald(air) hebben jairlix om achthien h hollansce/ gulden(en) oft de weerde d(air) af en(de) om tweee g(ri)pe(n) te wete(n) xl pl(acken) voir een/de g(ri)pe ge(re)kent alle jair te s(in)te m(er)tens misse inde(n) wynt(er) te betale(n)/ als vervolghde scout Behoudelic dien dat de voirs(creven) wout(er) jairlix/ hie(re)n bynne(n) behoude(n) sal tot sijne(n) p(ro)fite sond(er) dat den voirs(creven) wynne/ van sijne(n) gelde(n) e(n)nige(n) afslach te doen een half dach(mael) beemts inde/ ruytbeemde gelege(n) Ende de voirs(creven) wynne sal jairlix hie(re)n bynne(n)/ betalen alsulken(en) tsijs als gheet uut ene(n) dach(mael) eeussels inde/ roest belegen oec sond(er) afcortinge vande(n) voirs(creven) gelde En(de) de voirs(creven)/ wynne sal int voirs(creven) hof met sijnre meest(er) familien den voirs(creven) t(er)mijn/ due(re)nde wonen en(de) de huysinge aldair houden in goeden state van/ wande en(de) van dake gelijc dat hise vynt Voirt sal de voirs(creven) wynne/j alle jair hie(re)n bynne(n) halen met sijne(n) wagene en(de) drie p(er)den den hof
//
ter eect bethuynen en(de) beg bevreden met eenre grecht ende ghevielt/ also dat de wynne hie(re)n bynne(n) e(n)nich lant hoirvruchte d(air) af sal de selve/ wout(er) de helcht hebben die hem de voirs(creven) wynne te loven(e) leve(re)n sal It(em) sal/ de voirs(creven) wynne den voirscr(even) wout(ere)n alle jair hie(re)n bynne(n) vier vairde dienen/ met sijne(n) wagene en(de) p(er)den van rode tot loven(e) Ende de voirs(creven) wynne/ sal de voirs(creven) lande sijne(n) t(er)mijn due(re)nde werve(n) wynne(n) en(de) mesten en(de) hem/ sijn tideghe voe(re)n gheve(n) gelijc sijne(n) reengenoeten bove(n) en(de) benede(n) en(de)/ de lande laten ten eynde vande(n) voirs(creven) t(er)mine gelijc dat hijse vinde(n)/ sal te sijne(n) aencome(n) dats te wete(n) drie boend(er) lands bezaeit met rogge/ It(em) seve(n)thien dach(mael) [lands] storten geheel en(de) dand(er) lant te wete(n) xiiii dach(mael)/ braken geheel It(em) sal de voirs(creven) wynne ten lesten ja(r)e vande(n) voirs(creven) t(er)mine/ alle dmest int tvoirs(creven) hof laten ende [desgelijx] allet stroe vande(n) voirs(creven) goede/ come(n)de Ende de selve wynne sal de truncboeme ald(air) truncken ten/ behoirliken tide om de goede d(air) mede te bevreden en(de) so wair d(air)/ e(n)nig(n) bome v(er)droeghde(n) die sal de voirs(creven) wynne hebben en(de) ii leve(n)de/ pote vande(n) selve(n) aerde voir elken v(er)droeghde(n) boem wed(er) sette(n) Ende selen/ de voirs(creven) wynne en(de) wout(er) hebben alle doeft inde(n) boog bogart ald(air) wasse(n)de/ half en(de) half en(de) de wynne sal wout(ere)n sijn helcht ter eerde(n) doen/ en(de) te loven(e) tot sijne(n) huys leve(re)n zond(er) wouters cost Ende toeghst/ alst co(r)en gevelt sal sijn soe en sal de voirs(creven) wynne gheen co(r)en/ moege(n) bijnden de voirs(creven) wout(er) en hebbe sijne(n) bode dair te voe(re)n bij/ geseyndt den welken de selve wynne den cost gheve(n) sal/ Voirt sal de voirs(creven) wout(er) houden den voirscr(even) t(er)mijn due(re)nde behoude(n)/ tot sijne(n) uutscape en(de) p(ro)fite den sulder bove(n) de kaescame(r) It(em) es oec/vorwarde dat de voirs(creven) wynne bynne(n) den voirs(creven) t(er)mine sette(n) sal op/

tvoirs(creven) goet hond(er)t poten Ende alle dese voirs(creven) vorw(ar)den (etcetera) quol(ibet)/ ass(ecutu)[m] Hier af sijn borge(n) des voirs(creven) wynne(n) als p(ri)ncipael sculde(re)n/ onges(undert) en(de) onges(ceiden) en(de) elc voir al arnt vanden bossche sijn brueder/ en(de) arnt vand(er) eect d(er) selv des voirs(creven) wynne(n) swager Et p(ri)m(us)/ abs(oloens) voshem m(ar)cii t(er)cia