Wij claes de kersmake(re) [ende] geldolf rogge scepenen van loven(e) doen cond en(de) kenlic allen/ liedden dat voir ons comen sijn meest(er) plissis van vorst en(de) meest(er) jan vand(er)/ bruggen der stat geswo(r)en wercliede alse segg(ere)n en(de) vrientlic yffene(re)n geco(r)en/ en(de) genomen voir scepen(en) van loven(e) van aerde van vynkenbosch den jonge(n)/ becke(r) in deen zijde en(de) lambrecht de moncheal [smet] in dande(re) en(de) hebben/ hoir segge(n) en(de) uutsprake van de(n) stote wezende tusscen d(er) voirs(creven) p(ar)tien erve/ bij een gelege(n) buyten der proefstraetpoirte(n) tusscen sente q(ui)ntens strate/ en(de) [de goede] jans ty(m)mermans cleed(er)makers gese[e]ght en(de) uutgesproken ind(er) manie(re)n/ h(ier) nae volge(n)de inden yersten es hoir seggen dat de [elc vanden] voirscr(even) p(ar)tien op sijn [voirs(creven)] erve/ ty(m)me(re)n mach en(de) opva(r)en also hoege als hij wilt sond(er) yemants wed(er)seggen en(de)/ dat sij tusschen hoir voirscr(even) goede te gelike selen doen maken en(de) leggen op/ hoe(re)n gemeyne(n) cost voir ter strate(n) een steyne(n) ghote benede(n) ter eerden [te wete(n) voir t(er) strate(n) en(de) achter inden hof alsoe] also/ verre als des voirs(creven) arnts mue(r) gaet [en(de) niet voirder erre als des voir selfs arnts huys nu staet en(de) niet voird(er)] en(de) de selve gote op hoe(re)n gemeyne(n)/ cost voirtaen erflic houden in goede(n) state also dat den en eghene(n) van/ hen d(air) af scade en geschiede in e(n)nig(er) manie(re)n noch es hoir segge(n) dat [en(de) dat]/ themelwat(er) oft reegenwat(er) come(n)de en(de) vallende vande(n) acht(er)sten huyse des/ voirs(creven) lambrechts hebben sal sijne(n) loep en(de) de selve lambrecht [sal dat] leyden sal met eend(er)/ steyne(n)d(er) [ghoeten] ov(er) sijn erve ter voirs(creven) ghote(n) w(er)t en(de) die [selve] ghote sal [de] selve lambrecht doen/ leggen en(de) maken op sijne(n) cost en(de) op sijn erve vanden hoeck vande(n) acht(er)sten [acht(er)sten huyse des voirs(creven) lambrechts]/vorsten huyse des voirs(creven) arnts [dairt tselve water af vallen sal] tot aen den acht(er)sten hoeck des voirs(creven) lambrechts [vande(er) mue(re)n des voirs(creven) arnts]/dairt tvoirs(creven) wat(er) afvallen sal [gelijc de selve mue(r) nu aldair gemetst es] en(de) die selve ghote op sijne(n) cost alleen voirtaen/erflic houde(n) tot d(er)re tijt toe dat den voirs(creven) arnde oft sijne(n) nacomelingen/ gelieve(n) sal te ty(m)me(re)n voird(er) en(de) meer acht(er)wairt te ty(m)me(re)n en(de) alse dat geschiet/geschiede soe soude [sal] de voirscr(even) arnts de voirs(creven) ghote oec half houden/ op sijne(n) cost en(de) treghen wat(er) dat vander selv(er) ty(m)meringe(n) come(n) sal/ doir de selve gote oec leyde(n) w(er)t voir ter straten w(er)t Voirt es hoir/ seggen dat de voirs(creven) lambrecht maken sal doen maken en(de) bevrede(n) ene(n) vrede/ tusscen der voirscr(even) p(ar)tien goede vanden acht(er)sten hoec van sijne(n) huyse tot den/ naesten pael d(air) acht(er) geset en(de) vanden selven pale innewert tsijnen w erve/ wart [inne] iii voet en(de) een vierdel tot den ande(re)n pale jege(n) den selven pale geset/ en(de) van dien ande(re)n pale staende ten goede(n) wart des voirs(creven) lambrechts/ sal de voirs(creven) arnt den selve(n) vrede [voirt] op sijne(n) cost voirtaen maken [en(de) houden] also v(er)re als/ d(er) selv(er) p(ar)tien goede acht(er)w(er)t strecken en(de) dat de selve p(ar)tien den selven vrede/ ind(er) voirscr(even) manie(re)n voirtaen erflic houden en(de) bevrede(n) selen teeuwege(n) dage(n)/ welke seggen aldus geseeght en(de) gepronu(n)cieert de voirscr(even) p(ar)tien voirt geloeft/ hebben [malcande(re)n] vast en(de) gesteedich te houden [en(de) te volvue(re)n] en(de) te v malcande(re)n d(air) af altoes genoegh/ te doen also dat elken van hen vast en(de) seker sijn moege tot eeuwige(n) dage(n)/ in welker dinge(n) getugenisse wij scep(enen) (et)c(etera) aprilis sexta