Van jammart daire/ Tvonnise tusscen janmarde daire in deen zijde en(de) janne doude van/ antwerpen in dande(re) alse van xxxiii l(i)b(ra) groete brab(ants) vi gripen voir/ elc l(i)b(ra) groete gerekent die de voirscr(even) ja(m)mart den voirs(creven) janne doude/ eysschende was de welke de selve jan also ja(m)mart dede opdoen hem/ geloeft hadde alse den huwelic getracteert en(de) gemaect was tusscen/ janne van ned(er)velt en(de) marien sijn wijf docht(er) des voirscr(even) ja(m)marts/ dair af dat de selve jan doude meynde dat hij den voirscr(even) ja(m)mart/ wael betaelt ende vernueght hadde also hij boet te bewisen was/ gewijst ende uutgedrage(n) met desen woirden nae aensprake nae/ antwerde en(de) nae thoenisse van beyde den p(ar)tien en(de) nae al dats/ voir hen come(n) was dat de voirscr(even) jan doude vanden lxxv crone(n)/ gestaen sal met alsulken bewijsenisse als hij gedaen heeft ende/ den selven ja(m)marde vand(er) ov(er)baten genoegh doen en(de) dat gedaen/ eest dat de voirs(creven) jan doude den voirg(enoemde) janne van ned(er)velt yet/ aen te spreken heeft dat hij dat doen mach met den rechte/ P(rese)ntib(us) nycholao kersmake(re) geldulpho rogghe gerardo de haenw(ijc)/ dynonisio boys et arnoldo vande(n) velde scab(inis) lov(aniensibus) maii xii