Also als jan keyenoege die ov(er)midts vo(n)nisse van scepen(en) brieve(n) van/ loven(en) beleidt es tot den goeden henrix keyenoeghe sijns brueders in/ deen zijde en(de) lauwreys ty(m)mermans die ov(er)midts vo(n)nisse van scepen(en)/ brieve(n) van loven(en) beleidt es tot den goeden lijsbette(n) wedewe/ henrix wilen vand(er) heyde(n) in dande(re) in rechte come(n) sijn inde/ banc voir meye(r) en(de) scepen(en) van loeven(en) om seke(re) gescils wille/ dat sij und(er)linge hadden van eenre helcht van eend(er) schue(re)n met d(er) helcht van/ ene(n) stucke lands dair sij op steet gelege(n) te werchte(re) gelijcmen die/ te leene houde(n)de es van m(ijn) he(re) van rotselair/ Soe sijn beyde de voirs(creven) p(ar)tien come(n) voir de scepen(en) van loven(en) hier/ nae genoempt Te weten de voirs(creven) henric keyenoege met conse(n)te/ jans sijns brued(er)s voirs(creven) en(de) de voirs(creven) lauwreys ty(m)mermans en(de) hebbe(n)/ bekent en(de) verlijdt dat sij und(er)di und(er)linge met malcande(re)n aen/ gegaen sijn en(de) gemaect hebbe(n) de vorwairde(n) hier nae bescreven/ Inden yerste(n) es vorw(er)de dat de voirs(creven) lauwreys de voirs(creven) schue(re) met/ den lande geheel hebben sal en(de) behoude(n) also lange als de voirs(creven) lijsbet/ leeft en(de) niet lang(er) elx jairs te kerssavonde op ene(n) gulden(en) pet(er)/[oft de werde d(air) af] den voirs(creven) henr(icke) jairlix d(air) af te betalen/ Voirt es vorw(er)de tusschen henr(icke) met conse(n)te jans voirs(creven) en(de) den/ voirs(creven) lauwreyse dat sij den tsijs vand(er) rollen met den heerscape/ en(de) pontgelde d(air) toe diene(n)de deylen selen half en(de) half also la(n)ge/ als de voirs(creven) lijsbeth leve(n) sal en(de) d(air) toe ond(er) hen beyde(n) ene(n)/ rentm(eeste)r sette(n) die elke(n) sijn helcht d(air) af verwae(re)n en(de) betalen sal/ Desgelijx es vorw(er)de dat de voirs(creven) lauwreys inde(n) name vand(er)/ voirs(creven) lijsbette(n) alle de huysinge dair de vrouwe hoir tocht inne/ heeft en(de) tot hoe(re) tocht houdende es houden sal in goede(n) stake/ state also lange als sij sal leve(n) gelijc alse een tochtersse sculdich/ es te doen/ Voirt es vorw(er)de dat nae de doet d(er) voirs(creven) lijsbette(n) de voirs(creven) lauwreys/mey met sijne(n) beleide gheen hijnd(er) doen en sal aen de erfbrieve/ noch beruerlike goede acht(er) der voirs(creven) lijsbette(n) blive(n)de mair dat die/ blive(n) en(de) volge(n) selen den ghene(n) die sij sculdich selen sijn te volgen en(de)/ hen d(air) toe behulpich wezen met sijne(n) beleyde voirs(creven)
//
Voirt heeft geloeft de voirs(creven) henrick keyenoege dat hij de ov(er) de/ voirs(creven) lijsbeth also lange also sij leve(n) sal noch bynne(n) den hoe(re)n come(n)/ en sal het en wae(re) met [hoe(re)n] openbae(re)n wille en(de) consente sond(er) argelist/ Inden voirs(creven) saken altoes behouden ende uutgesceide(n) heeft de voirs(creven)/ henric van sijnre huweleker vorw(er)den yet te vervolgen oft te versueke(n)/ dat hij dat altijt doen sal moege(n) ter plaetsen dair dat behoirt/ haenwijc velde febr(uarii) xix/