Wij sce haenw(ijc) velde scepene(n) van loeven(e) doen cond en(de) kenlic allen liede(n) dat/ voir ons come(n) sijn reyner van mollebais en(de) mathijs van gheete alse segg(ere)n/ en(de) vrientlic yffe(n)ne(re)n gecome(n) geco(r)en en(de) genome(n) voir scepen(en) van loven(e) van [vanden partien hier nae genoemt Te weten van]/ h(e)r(e)n godscalc van marilez p(ro)chiaen der kerken van sent andries b(er)ge en(de) ja(n)ne/ van ruwecheal die ov(er)mids vo(n)nisse van scepen(en) brieve(n) van lov(en) beleidt sijn tot/ den goede(n) hubins wilen van wairnant en(de) ja(n)ne jaspar als momboir joffr(ouwe)/ katlinen sijns wijfs docht(er) des voirs(creven) wilen hubins in deen zijde en(de) raese/ vand(er) tombellen sone henrix vand(er) to(m)bellen als momboir joffr(ouwe) joha(n)nen sijns/ wijfs dochter werijs wilen van wairnant brueders des voirs(creven) wilen hubins/ in dande(re) ende hebben vanden stoote tusscen de voirs(creven) p(ar)tien wezende van/ allen den omberuerliken goede(n) en(de) rente(n) die wa(r)en ottarts wilen van wairna(n)t/ vad(er)s des voirs(creven) hubins en(de) werijs en(de) vande(n) goede(n) die wa(r)en otlets en(de) gielots/ wilen van wairnant kijnde(re)n svoirs(creven) ottarts hoir segge(n) en(de) uutsprake geseeght/ uutgesproke(n) en(de) gep(ro)nu(n)cieert inder manie(re)n hier nae volge(n)de Inden yersten/ es hoir segge(n) dat de voirs(creven) raes vand(er) tombellen en(de) joffr(ouwe) joha(n)ne sijn wijf erflic/ hebben en(de) teeuwedage(n) dage(n) sij en(de) hoir nacomelinge be hebben en(de) besitte(n) selen een/ huys en(de) een hof met allen sijne(n) toebehoirte(n) gelege(n) buyte(n) der poirte(n) van/ ha(n)nut jegen ov(er) vande(n) hove h(e)r(e)n gords wilen van ha(n)nut ridd(er)s tussce(n) den/ hof jans cousin en(de) jans biddar en(de) neve(n) de goede jans mailchair/ ende dat dair voe(r) en(de) dair jegen de voirscr(even) jan jasp h(er) godscalc en(de) jan/ van ruwecheal met hoe(re)n voirs(creven) beleide inden name en(de) tot behoef des/ voirscr(even) jans jaspar joffr(ouwe) katline(n) sijns wijfs ende wout(er)s van wairnant/ sone des voirscr(even) hubins en(de) brued(er)s der selv(er) joffr(ouwe) katlinen hebben ende/ teeuwege(n) dage(n) sij en(de) hoir nacomeli(n)ge besitte(n) selen de goede h(ier) nae/ bescr(even) Te wete(n) lxxx xxxvi groet roeden lands leens gelege(n) te/ ha(n)nut opten wech gaende van ha(n)nut tevrenas le baudewijn wairt/tussce(n) [neven] de goede d(er) erfgename(n) h(e)r(e)n everarts wilen van blehain ridd(er)s/ It(em) noch een stuck lands leens gelege(n) te vileer inde(n) couthe(r) van vileer/ gelijcme(n) tselve stuck lands van den kijnde(re)n h(e)r(e)n everarts wilen van blehain/ ridders te leene houdende es It(em) voirt es den voirscr(even) segge(re)n [hoir] segge(n)/ dat de voirscr(even) p(ar)tien alle de ande(re) omberuerlike goede also verre de voirscr(even)/ wilen ottart van wairnant die houdende was met joffr(ouwe) katlinen/ sijnen wive ende dat [hij] die besat ter tijt dat hij leefde [en(de) dair hij uut starf alse wel de ghene die gelege(n) sijn inden lande ludick en(de) van namen alse in brabant] en(de) oec alle de/ omberuerlike goede die de voirs(creven) wilen ou otlet en(de) gielot van wairnant/ des selfs ottarts kijnde(re) ter wilen dat sij leefde(n) hielde(n) en(de) besate(n) alsoe/ wel de v(er)crege(n) goede als dande(re) terstont half en(de) half mynlic en(de)/ alse gebruede(re) deylen selen en(de) elc sijn helcht besitte(n) en(de) gebruken tot
//
eeuwege(n) dagen sond(er) deen den ande(re)n dair aen e(n)nige(n) hijnd(er) stoet/ oft letsel te doen oft te maken in e(n)nig(er) manie(re)n Behoudelic dien/ dat elc vanden selven p(ar)tien in en(de) voir sijn deylinge hebben en(de) behoude(n)/ sal tot eeuwege(n) dage(n) alsulken goede als elc van hen tot opten/ dach toe l van heden gebruyct gebesicht en(de) beseten heeft sond(er)/ e(n)nich wed(er)seggen Bij alsoe dat de selve p(ar)tien op hoe(re)n gemeyne(n)/ cost de voirscr(even) goede selen doen h(er)meten met ene(n) geswo(r)en lantmete(r)/ tusschen dit en(de) beloken zinxen naistcomen(de) ende bevijntmen dan m/ dat e(n)nich van hen ind(er) maten meer goets hadde oft besete(n) hadde dan/ dande(re) dat dan de ghene die also bevonde(n) woirde dats meer hadde/ den ande(re)n dat sorplus [half] delen sal de helchte en(de) dat men vand(er) [elc voir de]/ vrucht die toeghst naistcomen(de) opt selve sup surplus staen sal hebben/ sal [voir elc boender] ii mudde co(r)ens d(er) mate(n) van ha(n)nut en(de) tremana(n)t vand(er) selv(er)/ vrucht sal volge(n) den ghene(n) diet gewo(n)nen en(de) besaeit heeft Noch/ es hoir seggen dat alle de goede die de voirs(creven) wery wilen van wairna(n)t/ cochte en(de) vercreegh in sijne(n) leve(n)den live de voirscr(even) ja raes van tombellen/ en(de) sijn wijf t(er) stont aenveerde(n) houde(n) en(de) besitte(n) selen als hoir p(ro)pe(re)/ goede tot eeuwelike(n) dage(n) Ende es noch hoir segge(n) dat elc vande(n)/ voirscr(even) p(ar)tien d(er) and(e)re van des voirscr(even) [es] tusscen dit en(de) sente gielijs/ dach naistcomen(de) goede vesticheit doen sal als dair toebehoirt/ voir hoven en(de) [de] hee(re)n [en(de) hoven] dairme(n) de voirs(creven) goede hove(n) en(de) elc sijn vestich(eit)/ ontfaen op sijne(n) cost It(em) en(de) dat elke(n) vanden voirs(creven) p(ar)tien volgen sel sal/ de brieve ges tsijs follen en(de) gescriften die sijnen voirs(creven) gedeelte aen/ tange(re)n en(de) oft e(n)nige p(ar)t vande(n) p(ar)tien die over? hadde dat die der/ ande(re) die ov(er)geve(n) sal sond(er) vertreck Voirt es noch hoir segge(n) dat/ joffr(ouwe) joha(n)ne wedewe des voirs(creven) wilen hubins die nu te ma(n)ne/ heeft gerart baudijn van huesdein hoir tocht hebben sal also lange/ alse sij leve(n) sal nae den lantrechte inden goeden die h de voirs(creven) hubin/ met hoir besat Behoudelic dat de huweleke vorwarde die gesciet/ es tussce(n) den voirs(creven) janne jaspar en(de) sijne(n) wive vande(n) selven goede(n)/ hier inne niet gequetst sijn en sal met [mer] gestentich bliven welke/ seggen aldus geseeght beyde de voirs(creven) h(er) godscalc en(de) jan van/ ruwecheal en(de) jan jaspar p(ar)tie in deen zijde r en(de) raes vander/ tombellen p(ar)tie in dande(re) geloeft hebben malcande(re)n vast ende/ gesteedich te houde(n) en(de) te voldoen tot eeuwelike(n) dagen en(de) deen/ den ande(re)n dair af altoes genoegh te doen also dat elken van
//
hen erflic vast ende seker sijn moege Voirt hebben geloeft de voirs(creven)/ her godscalc [en(de)] jan van ruwecheal en(de) jan hier inne te vervaen en(de) alsulc/ de hebben den voirs(creven) gerarde baudijn en(de) joffrouwe joha(n)ne sijn wijf/ en(de) woute(re)n van wairnant d(er) selv(er) joha(n)nen sone vande(n) yerste(n) bedde/dat hij en(de) [desgelijx] de voirs(creven) jan jaspar joffr(ouwe) katlijne(n) sinen sijn wijf/ en(de) de voirs(creven) raes vand(er) tombellen de joffrouwe johanne(n) sijn wijf/ oec hier inne te vervaen en(de) in dien te hebben dat sij bynne(n) xiiii/ nachten naistcomen(de) come(n) selen voir scepen(en) van loven(e) ende/ geloven tvoirs(creven) seggen vast en(de) gesteedich te houde(n) en(de) te/ voldoen tot eeuweliken daghen gelijc dat voirscr(even) steet/ en(de) de selve [voirs(creven)] p(er)sone selve gelooft hebben in orkonscap van welken/ dingen (et)c(etera) maii ix Ite(m) de vorscr(even) joff(rouwe) joha(n)ne [raes wijf] heeft geloeft tvors(creven) segge(n)/ te houden in o(mn)i forma p(re)d(i)c(t)a cor(am) eisde(m) scab(inis) [en(de)] de voirs(creven) joffr(ouwe) katline jans/ jaspar wijf heeft geloeft tvoirs(creven) segge(n) te houde(n) in forma p(re)d(i)c(t)a cor(am) eisd(em) scab(inis)/ Voirt seyden de voirs(creven) segge(re)n dat elc vande(n) voirs(creven) p(ar)tien betalen/ sal half den cost vanden scriven en(de) vanden coste die de segg(er)s/ vertheert hebben cor(am) eisdem/ It(em) de vors(creven) ger(art) baudin joffr(ouwe) joha(n)ne sijn wijf en(de) woute(r) va(n) wairna(n)t de selv(er) joffr(ouwe) sone p(ri)[(us)]/ emanc(ipatus) de (con)s(en)su d(i)c(t)i sui ma(r)iti p(ro)mis(eru)nt p(re)d(i)c(t)a o(mn)ia s(er)va(r)e et sat(is)fac(ere) cor(am) haenwijc velde junii xvi/