Wij henr(ic) vande(n)r calste(re)n en(de) gelden rogghe scepen(en) van loven(en)/ doen cond en(de) kenlic allen lieden dat voir ons comen es sijn meest(er)/ pissis van vorst en(de) meest(er) jan vand(er) brugge(n) d(er) stat geswoe(re)n/ wercliede alse segge(re)n en(de) vrientlic yfferene(re)n gecoe(re)n en(de) genome(n)/ voir scepen(en) van loven(en) van ja(n)ne colijns [burduerw(er)ke(re)] in deen zijde en(de) wout(ere)n/ meys aen dand(er) zijde van alsulken stote alse de voirs(creven) p(ar)tien/ hadden van eene(n) huyse en(de) hove met sijnre toebeh(oirten) gelegen [hoe(re) beyder erve bij een gelegen]/ opte leye tusscen [neven] de herb(er)ge van rotselair en(de) de goede des voirs(creven)/

wout(er)s dwelc de selve wout(er) den voirs(creven) ja(n)ne op eene(n) seke(re)n/

tsijs uutgegeve(n) heeft Ende hebben hoir seggen en(de) uutsprake/ vande(n) voirs(creven) stoete geseeght ende gepronu(n)cieert ind(er) manie(re)n/ hier nae volgende inden yersten es hoir seggen dat de voirs(creven)/ p(ar)tien op hoe(re)n gemeyne(n) cost selen doen maken ene(n) vrede oft/ beheymsel tusscen hoe(re) beyd(er) goede aldair bij een gelege(n) te wete(n)/ van ene(n) hoecke van enen boghe staende inder stat wissel/ vesten van loven(en) gelijct aldair betekent es tot aen den hoeck/ vanden achtersten gheevel vanden huyse des voirs(creven) wouters It(em)/ es noch hoir seggen dat de voirs(creven) jan colijns hebben sal ende/ nae hem trecken alle de rancken vanden wijng(ar)de en(de) ande(re)n/ leevenden houte also v(er)re alse die comen bynne(n) den teeken/ dat sij hen bewijst hebben It(em) sal de voirs(creven) jan hebben tghebrukenisse/ van enen sitten staende voir ter straten alsoe v(er)re als dat geveert?/ sijnen erve en(de) dat den voirs(creven) p(ar)tien gemeynlic toebehoe(re)n sal/dnul dnutscap en(de) p(ro)fijt vanden waterscape staende opte/ dyle aldair en(de) dat selen sij op hoe(re)n gemeyne(n) cost erflic houde(n)/ sond(er) malcande(re)n e(n)nige(n) hijnd(er) daer aen te doen welke/ seggen ald(us)(n) geseeght en(de) gepronu(n)cieert beyde de voirs(creven)/ p(ar)tien geloeft hebben vast en(de) gesteedich te houden en(de) malc/ ande(re)n d(aer) af altoes genoegh te doen alsoe [in oirconscape va(n) welke dingen wi scep(enen) va(n) lov(en) voergh(eruert) onse segele etc(etera)] oct(obris) xiii/