Vanden meester van postel/ Vanden gedinghe dat geweest heeft inde banck voir meye(r) en(de) scepen(en)/ van loeven(en) tusscen h(e)r(e)n baudewijn van forneyez meester van postel/ in deen zijde ende willem(me) gheldens die ov(er)midts vo(n)nisse van scepen(en) brieve(n)/ van loven(en) beleidt es tot den goeden daneels vanden torreken in dande(r) alse/ vander heyden etc(etera) Es tvo(n)nisse gewijst en(de) uutgedrage(n) met desen woirde(n)/ nae aensprake verantwerden nae thoenisse van beyde den p(ar)tien en(de) nae/ al dats voir de he(re)n scepen(en) van loven(en) come(n) was ter manissen smeyers/ bleve(n) sij bij alsulken t(er)minacie als de twee steden loeven(en) en(de) bruessel/ tande(re)n tijden tusscen den selven p(ar)tien getermineert hadden te wete(n) es/ dat sij malc jegen den ande(re)n te rechte staen sellen voir den rentmeest(er)/ generael van brabant en(de) voir de ingeseten ma(n)ne van leenen ons gened(ichs)/ he(re)n van brab(ant) in kempelant behoudelic dien dat elc vande(n) selve(n) p(ar)tien/ in sijn possessie blive(n) sal gelijc alse hij te voe(re)n dair inne was p(rese)nt(ibus)/ joh(ann)e de borch(oven) henr(ico) de calstr(is) nycholao kersmake(re) geldulpho rogghe/ gerardo de haenwijc dyonisio boys et arnoldo vande(n) velde scab(inis) lovanien(sibus)/ octobr(is) xxi/