Cond zij allen lieden dat symoen van breetzijp [matheeus oliviers wone(n)de te wijchmale] es come(n) in jegew(oirdicheyt)/ der scepen(en) van loven(en) en(de) heeft genome(n) en(de) bekent dat hij genome(n) heeft/ van janne vanden tymple thof des selfs jans gelege(n) te wijchmale/alsoet gelege(n) es met den wynne(n)den landen beemde(n) en(de) eeusselen en(de)/ alsoet gelege(n) es [met] sijne(n) grechte(n) met den vorle(re)n en(de) met haghen geli/ kerwijs [en(de) also verre] jan vande(n) doirne de voirs(creven) goede aldair te pachte te houde(n) plach/ Te houde(n) te hebben en(de) te wynne(n) van halfm(er)te dat sijn sal int jair/ ons he(re)n m cccc en(de) xxxiiii ene(n) t(er)mijn van twelff jae(re)n langc deen/ nae dand(er) sond(er) middel volge(n)de Elx jairs dae(re)n bynne(n) de voirs(creven) wy(n)/ nende lande elc boend(er) d(air) af voir twee mudde rogs en(de) een sester rogs/ goet en(de) payabel der mate(n) van li lov(en) met wa(n)ne en(de) met veede(re)n/ wail bereit d(er) mate(n) van loven(e) te sente andries misse apost(els) te/ betale(n) en(de) te loven(e) te leve(re)n dairt den voirs(creven) ja(n)ne genuege(n) sal te/ leve(re)n behoudelic dien dat de voirs(creven) wynne [jairlix] voir een mudde/ rogs gheve(n) sal een mudde tarwe(n) en(de) voir (½) mudde erwete(n) voir/ een half mudde rogs alle jair den voirs(creven) t(er)mijn due(re)nde en(de) telke(n) t(er)mine/ als vervolghde schout Ende voirs(creven) eeussele beemde en(de) weyde [alle jair] om/ ene(n) vijftich holl(ansche) gul(den) goet en(de) gheve oft de weerde d(air) af in ande(re)n goede(n)/ ghelde te sente m(er)tens misse inden wijnt(er) te bet(alen) alle jair den voirs(creven)/ t(er)mijn due(re)nde en(de) telken t(er)mine als v(er)volghde schout It(em) es vorw(er)de/ dat de voirs(creven) wynne de voirs(creven) lande late(n) sal ten uutgaen vande(n) voirs(creven) t(er)mine/ gelijc hij die vijnde(n) sal te sijne(n) aencome(n) Te wete(n) den roggene(n) aert besaeyt/ op iiii getidege voe(re)n en(de) des soe sal sijn besaeit i(½) boend(er) met tarwen/ en(de) dat coe(re)n sal de wynne striken en(de) veeghen en(de) vermaken It(em) dat/ gheerst lant eens om gedaen It(em) en mach de voirs(creven) [wynne] ten leste(n) jae(re) gheen/ lant moege(n) hoirvruchten It(em) sal de voirs(creven) wynne tcoe(re)n dat opt voirs(creven) lant/ wassen sal jairlix voe(re)n indes voirs(creven) jans schue(re) vue(re)n en(de) dat [tstroe dair af] ette(n) en(de) slite(n)/ met sijne(n) beesten en(de) te meste make(n) en(de) tselve mest voe(re)n vue(re)n opt/ tvoirs(creven) lant slands meeste(n) p(ro)fite en(de) hij en mach gheen mest noch/ stroe v(er)coepen It(em) sal de voirs(creven) wynne(n) den voirs(creven) ja(n)ne jairlix saeyen/ iii mol(evaten) lijnzaets d(air) af dat de voirs(creven) jan tvlas hebbe(n) sal en(de) tsaet/ leve(re)n en(de) de wynne saelt hem doen sliten en(de) met den bollen te loven(e)/ leve(re)n It(em) sal de voirs(creven) wynne ten lesten jae(re) den vlasscart mesten/ also v(er)re men vi molevate lijnzaets saeyen mach en(de) te kersmisse/ eens om doen It(em) sal de voirs(creven) wynne vue(re)n den voirs(creven) ja(n)ne te/ loven(e) dair hij wilt ii voed(er) hoeys thoey van i boende(re)n hoeys/ uut den asselbroeke It(em) sal de voirs(creven) wynne hebben tvierdel vande(n)/ / oefte en(de) dat sal hem jan doen lesen en(de) de wynne sal ja(n)ne dand(er)/ drie viergedeelte te loven(e) leve(re)n weer hijt vercoept noch niet en v(er)coept/ en(de) alse hijs niet en vercoept soe sal de wynne den lesers den cost gheve(n)/ Item sal de voirs(creven) wynne jaerlix den voirscr(even) due(re)nde leve(re)n c walme(re)/ mandelen walme(re) om de huysinge vande(n) voirs(creven) hove mede te decken en(de)/ alsmen die ald(air) verdect soe sal de wynne den werclien diene(n) teten gheve(n)/ teenen en(de) dach dacroede(n) leve(re)n en(de) jan sal de dachue(re)n betalen It(em) sal/ de voirs(creven) wynne de voirs(creven) huyse houden vand(er) ond(er)ster rikelen nederwart/ It(em) alsmen aen de voirs(creven) goede [huyse] ty(m)mert oft plect d(air) toe sal de wynne den/ leem en(de) thout int hof vue(re)n It(em) mach de voirs(creven) wynne strunke(n) eyken hout/ dat hier voirmaels gestrunct es oec mach de wynne de willige(n) strunke(n)/ om de goede mede te vermaken en(de) hij en mach staeken lueck noch hout/ vercoepen It(em) en mach de voirs(creven) wynne [ten lesten jae(re)] gheen thuyne d afbreke(n) die aende(n)/ bog(ar)t staen aen den wynne(n)den hof en(de) aen den coelhof It(em) mach de voirs(creven)/ jan doen struncken also vele luex en(de) staken op de willige(n) te wijchmale/ als de voirs(creven) jan behoeve(n) sal aen sijne(n) thuyn te loven(e) [en(de) oec wijden snyde(n) en(de)] en(de) die sal de wynne/ ja(n)ne te loven(e) leve(re)n It(em) sal de voirs(creven) wynne opte voirs(creven) goede sette(n) l poten/ alle jare den voirs(creven) t(er)mijn due(re)nde It(em) sal noch de voirs(creven) wynne den voirs(creven)/ ja(n)ne jairlix te loven(e) leve(re)n xii mandelen stroes [walme(re)] om sijne(n) wijng(ar)t/ dair mede te doen bijnden It(em) sal de voirs(creven) wynne veeghen op sijne(n) cost/ en(de) de wege doen maken alst men gebiet It(em) sal de voirs(creven) wynne/ gheve(n) alle jae(re) te paesschen ii[c] eye(re) en(de) te sente remeys misse xii/ l(i)b(ra) bote(re)n It(em) en mach de voirs(creven) wynne noch eeussele noch beemde/ breken noch besaeyen inde leste drie jae(re) It(em) sal de voirs(creven) wynne den/ voirs(creven) janne diene(n) alle jae(re) iiii daghe met sijne(n) wage(n) en(de) p(er)den It(em)/ sal de voirs(creven) wynne den voirs(creven) janne een boend(er) lands wynnen aen/ sente g(er)trude(n) berch [te weten elc voe(r)] voir xl pl(acken) en(de) den selve(n) janne de vrucht d(air) af/ te loven(e) leve(re)n H(ier) af sijn borge(n) des voirs(creven) wynne(n) als p(ri)ncipael/ sculde(re)n ongesund(er)t en(de) ongesc(eiden) en(de) elc voir al symoen van breetzijp/ sijn sweer henr(ic) van gheele van wezemale reyne(re) vande(n) hoelvelde/ willems sone en(de) jan en(de) gheert van breetzijp bruede(re) des voirs(creven)/ symoens w de welke Et duo p(ri)mi insup(er) p(ri)m[(us)] socer(us) rogge [velde] haenw(ijc)/ m(ar)tii xvi