van janne meertens van meylhem/ en(de) henriken v sijnen sone/ Het es noch comen in rechte inde banck voir meye(r) en(de) scepen(en) van/ loeven(en) henric meertens sone jans meertens die ov(er)midts vo(n)nis/ van scepen(en) brieve(n) van loven(en) geleidt es tot den goeden des selfs/ jans sijns vair vaders in deen zijde en(de) jane? van ophove(n) jans/ sone was in dande(re) dair de voirs(creven) jan van ophove(n) aensprack de/ goede hier nae bescreve(n) gelegen te hespen inden yersten een/ zille beemts gelegen tusscen de goede jans van errenb(er)ge ende/ tghemeyn broeck van hespen It(em) i(½) zille lands gelege(n) inden/ wangher couther tusscen de goede jans brueder en(de) robeerts meyghe(m)/ It(em) xxii(½) roeden lands gelege(n) bij henrix cle(re)n boeme tussce(n) de goede/ jans traets in beyden sijden It(em) een zille lands gelege(n) bij tcruyske(n)/ van wanghe tussce(n) de goede d(er) abdissen van vrouwe(n) p(ar)ke en(de) der/ taflen van thiene(n) segge(n)de dat hem sijn kijnsgedeelte volgen/ soude inde helcht vanden voirs(creven) goeden want het was een goet man/ gehete(n) jan van ophoven die getruydt hadde nae staet der heylig(er)/ kerken een vrouwen p(er)soen gehete(n) katline p(er)soens en(de) de selve jan en(de)/ katline cochten en(de) cregen dese goede in gehelen stoele en(de) besate(n)/ die als hoir erve en(de) de voirs(creven) katline sterf dair uut als uut hoe(re)n/ erve en(de) jan bleef dair inne sitten als een tochteer en(de) sij hadde(n)/ tsame(n) vijf kijnde(re) dair hij deen af was en(de) dat boet hij [te] thoenen/ en(de) met den minsten dair hij mede lijden mach inden rechte/ seide voirt dat de voirs(creven) jan hadde van sijne(n) vorwive twee kijnde(re)/ dien dand(er) helcht vanden voirs(creven) goede(n) toecome(n) soude mer sijn vad(er)/ hadde hem die gemaect met ene(n) testame(n)te en(de) dair om liet hij/ dat liggen want hij meyndde die helcht te volge(n) met sijne(n) testa(men)[te]/ dair dat behoirde en(de) en yesch mer sijn kijnsgedeelte te wete(n) tvijfste/ deel vand(er) helcht Dair op de voirs(creven) henric mertens seggen/ dede dat hem die aensprake aen sijne(n) beleyde gheen onstade/ doen en soude en(de) redene(n) want de voirs(creven) jan wilen van ophove(n) eer/ hij vergaderde nae staet d(er) heylig(er) kerken met d(er) voirs(creven) katlinen/ p(er)soens besat dese nameleke goede als een tochteer en(de) hadde een/ voirwijf dair hij een wittige docht(er) af hadde gehete(n) noye ende
//
die noye hadde een wittige dochter die de voirs(creven) jan meertens die/ hem den brief bekent hadde getruydt hadde nae staet der heyliger/ kerken en(de) dat boet hij te thoene(n) en(de) met den mynsten etc(etera) Seyde/ oec dat voirtijts d(aer)af goede vo(n)nissen gewijst wae(re)n bijden he(re)n scepen(en)/ van loven(en) die geregistreert staen inder scepen(en) boeke op welke/ aensprake en(de) verantwerden alrehande thoenis verhoirt wart in/ beyden sijden dair de voirs(creven) henric thoende allet ghene des hij hem/ vermete(n) hadde oec wairt voirs(creven) vo(n)nisse gelesen inden rechte also dat/ de scepen(en) van loven(en) gemaent vanden meye(r) wijsden voir een vo(n)nisse/ dat sij bleve(n) bij alsulken vo(n)nisse als de scepen(en) van loven(en) hoir voirsete(n)/ d(aer)af gewijst hadden p(rese)ntib(us) nycholao kersmake(re) geldulpho rogghe/ gerardo de haenwijc dyonisio boys et arnoldo vande(n) velde scabinis/ lovan(iensibus) augusti xxviii/