It(em) want stoet ende tebat opverstaen es tusscen janne van/ blehain sone jans wilen van blehain ridders die gegoet en(de) geerft/ es voir meye(r) [en(de)] scepen(en) van loven(en) inden goeden die wae(re)n he(re)n/ ancelms wilen van blehain in deen zijde en(de) everarde maleerbe/ lodewijke del crois a lanis in dande(re) alse van tween boende(re)n/ beemts gelege(n) a bonlet bij crois a lanis in alrehande(n) stucke(n)/ aldair Soe sijn de voirs(creven) p(ar)tien come(n) voir scepen(en) van loven(en)/ en(de) hebben hen vande(n) voirs(creven) stoete gekeert in segge(re)n ende/ vrientlic yffene(re)n te wete(n) de voirs(creven) jan van blehain in/ mathijse van gheete en(de) de voirs(creven) everart en(de) lodewijc/ in janne coulon weert int heenken te loven(en) in alsulk(er)/ voegen dat de voirs(creven) segge(re)n sond(er) vertreck beyde d(er) p(ar)tien/ besceidt aenhoe(re)n selen en(de) hoir segge(n) d(aer) af segge(n) op dat/ sijs eens sijn tusscen dit en(de) alre heylige(n) misse naist/ come(n)de en(de) en co(n)nen sijs hie(re)n bynne(n) niet eens gesijn/ dat de voirs(creven) p(ar)tien dan h op hoir recht staen sellen also/ sij voir desen verbonde stonden Ende hebbe(n) geloeft de voirs(creven)/ p(ar)tien vast en(de) gesteedich te houde(n) des de voirs(creven) segge(ere)n by(n)ne(n)/ den voirs(creven) t(er)mine vand(er) voirs(creven) saken en(de) gescille segge(n) en(de)/ t(er)mine(re)n sellen op dat sijs eens sijn kersmake(re) haenw(ijc)/ sept(embris) xxiii/