Van ghijsbrechte(n) taeye/ Tvonnisse tusschen ghijsbrecht taey in deen zijde ende janne van reppemont/ die ov(er)midts vo(n)nisse van scepen(en) brieve(n) van loven(en) beleidt es tot den beruerlike(n)/ goeden jacobs van ysschot in dande(re) Alse vanden beruerliken goede(n) des selfs/ jacobs die wae(re)n ende geweest hebben inden hoeven des voirs(creven) ghijsbrechts/ gelege(n) te sart (et)c(etera) Was uutgedragen met desen woirden dat alle de be/ ruerlike goede inden voirs(creven) hoven wezende dair inne bliven selen en(de)/ de ghene die de voirscr(even) jan of jacob dair uut gedaen hebben weder/ dair inne come(n) selen sond(er) vertreck pant te blive(n) voir tgheen des de/ voirscr(even) ghijsbrecht den selve(n) jacob oft janne aengewynne(n) sal co(n)nen/ met rechte ter plaetsen dair de hoeve voirs(creven) gelegen sijn Ende dat sal/ de voir(creven) ghijsbrecht doen tusschen dit en(de) van heden in xiiii nachte(n)/ naistcomende ende soe wair de voirs(creven) ghijsbrecht des niet en deet dat/ dan den voirs(creven) janne ende sijne(n) beleyde de voirscr(even) goede volgen selen Cor(am)/ joh(ann)e de oppendorp [walt(ero)] wittema(n) walt(ero) capellema(n) jo(hanne) vand(er) lynde(n) (et) ar(noldo) bone/ scab(inis) lovan(iensibus) nove(m)br(is) xxiiii/