Item hoe wale margriete goesens gesproken hadde en(de) bleven was vore xi gul(den) rynsche/ ende iii cromsterte Daer omme dat jouffrouwe digne jans van den grate medegesellynne/ des jongen gecocht hadde jegen rogiere snausniders bontwerkers alrehande pelterie Soe/ en conste nochtan de voirs(creven) margriete vander voirs(creven) jouffr(ouwe) dignen noch van janne hoe(re)n/ man niet onthaven noch ontlast geworden alsoe dat de voirs(creven) jan vanden grate de jonge/ dair omme te twee(n) stonden bijden raide vander stat geweest Dair hij ten lesten/ nae vele onderwijs dat hem gedaen waert ter liefden vander stat alsoe hij seyde/ geloefde der voirs(creven) margrieten goessens de voirs(creven) xi rijnsche gul(den) en(de) iii cromsterte(n)/ te betalen Te weten twee scilde dare af gereet en(de) dander all en(de) geheelic te geven/ ende te betalen te kerstmisse naestcomende cor(am) burgim(a)g(ist)ro et aliis de consilio/ mensis junii die xxv/