Item villicus lovan(iensis) med(iantibus) scabinis lovanien(sibus) adduxit ratio(n)e domi(n)i mathia(m)/d(i)c(tu)m ghijs [gheys] tamq(uam) maritu(m) aleydis eius uxor(is) relicte lamb(er)ti q(uon)d(am) de rode de/casterle ab bona joh(ann)is de rode filii d(i)c(t)or(um) q(uon)d(am) lamb(er)ti et aleyd(is) sit(a) apud cast(er)le/[apud beerse] ac alibi ubiculq(ue) locor(um) sit(a) (con)sistunt in domib(us) curt(ibus) t(er)r(is) p(ra)t(is) pascuis/et suis p(er)t(inentibus) univers(is) attinen(tibus) Pro c(er)tis recognicionib(us) et p(ro)miss(ionibus) conscript(is) in l(itte)r(a)/scabinor(um) lova(niensium) q(uo)rum tenor sequitur in h(ec) verba Cond sij allen liede(n)/dat jan sone lambrechts wilen van rode van casterle sone jans wile(n) la(m)brechts/van rode es comen in jegewoirdige(n) d(er) scepen(en) van loeven(en) en(de) heeft genome(n)/en(de) bekent dat hij genomen heeft tot sijnen behoef ende inde(n) name en(de) tot/behoef henrix sijns brueders van aliten die wijf wilen was des voirs(creven)/lambrechts hore moeder alle de goede der selver aliten gelege(n) ter heze/inden dorpen van casterle en(de) van turnout die sij tot hoe(r) tocht houdende is/in huysen hoven wynnende lande beemden eeusselen heyden met hoven toebehoirte(n)/gelijc de voirs(creven) alijt de voirscr(even) goede aldaer houdende is was Te houde(n) te hebben/ende te wynnen alsoe lange als de voirs(creven) alijt leven sal jaerlyx op allen/den commer en(de) last d(aer) voe(r) uutgaende te gewoe(n)like(n) t(er)mine(n) te vergelde(n) ende/voertmeer op sesse mudde rox goet ende payabel der maten van he(re)nthals/alle jare tons(er) vrouwen lichtmisse daige te betalen ende te casterle te leve(re)n/der selver alyten alsoe lange als sij leven sal en(de) niet langer en(de) telken t(er)mine/als vervolgende scout Item es vorwerde dat de voirs(creven) alijt alsoe lange als sij/leven sal houden sal tot horen p(ro)fite enen beemt geheten den assenschoud(er)/met den welkern sij hoe(r) p(ro)fijt doen sal alsoe lange als sij leven sal sond(er)/wederseggen hoe(r) voirs(creven) kynde(re) Item sal de voirs(creven) alijt hebben en(de) behoude(n) hoe(r)
//
nutscap en(de) profijt in tvoirs(creven) huys en(de) hof met allen sijnen toebehoirte(n) gelijc hoe(r)/voirs(creven) kynderen op dat sij met horen kynderen wonen wilt ende soe waer sij/met horen kynde(re)n niet wonen wilt soe sal sij hebben thuys datmen heet den/overboer met sijnen toebehoirten tot horen profite dair in te wonen ende te/sijne Item heeft geloeft de voirs(creven) jan sijnre voirs(creven) moeder alle jae(re) alsoe/lange als sij leven sal te zomeren twee coeye op de voirs(creven) goede oft jairlijx/dair voe(r) gheven vijf mottoene te weten enen hollansche gul(den) voe(r) twee/mottone gerekent te sente mertens messe inde(n) wynter te betalen Item sal/de voirs(creven) jan der voirs(creven) alyten sijnre moeder alle jare tons(er) vrouwen lichtmisse/daige enen sac moutcorens betalen Item sal de voirs(creven) jan der selver/sijnre moeder gheven jairlijx alsoe lange als sij leven sal twee hamele/oft twee gelrsch gul(den) d(aer) voe(r) dwelck hoe(r) best genuege(n) sal te kersavonde/te betalen ende twee steene wollen jairlijx te meye te betalen en(de) twee/lopen raetsaets alle jare te vastelavonde te betale(n) Item sal de voirs(creven) jan/sijnre voirs(creven) moeder jairlijx zayen twee loepen lijnsaets dair af dat/sij selve tsaet leveren sal en(de) hore sone sal hoe(r) dlant d(aer) toe bereyde(n) wel en(de)/custberlijc [wel en(de) costerlijc] ende op dat lant als tflas af sin sal soe mach de voirs(creven)/alijt rapen zayen en(de) die selve hebben Item sal de selve alijt jairlijx/hebben tvierendeel van alsulken groen als jan hoe(re) sone wynnen sal en(de) oec/jaerlijx twee mandelen stroets Item sal de voirs(creven) jan sijnre voirscr(even) moed(er)/jairlijx wynnen een dachmael torfs en(de) die torve hoe(r) inne vueren tot hoe(re)/b(er)ningen behoef Item sal de voirs(creven) alijt hebben twee bedden brake rapen en(de)/die sal hoe(r) de voirs(creven) jan jairlijx leveren te sente mertensmisse alsoe lange/als sij leven sal Item sal de voirs(creven) jan hebben alsulken mest als de voirs(creven)/alijt sijn moeder maken sal met horen coyen ende dat sal de voirs(creven) jan/vueren op tvoirs(creven) lant en(de) dair voe(r) sal hij sijnre moeder stroysel gheven/ende leveren tot hoe(re)n coeyen behoef ende alle die voirs(creven) vorwerde(n) en(de) geloften/hebben geloeft de voirs(creven) alijt en(de) jan hore sone malc ande(re)n vaste en(de)/gestedich te houde(n) ende te voldone tallen tijden ende terminen als sij valle(n)/ende verschijne(n) selven en(de) telken t(er)mine als vervolghde scout voert heeft/geloeft de voirs(creven) jan henricke zijnen brueder hier inne te
//
vervane en(de) alsulck te hebbenen dat hij alle dese selve vorwerden en(de) geloften/sijnre voirs(creven) moeder tot hore(n) manisse(n) voe(r) scepen(en) van loeven geloven en(de) doen/sal in alle der maten en(de) vuegen dat sij boven bescreven zijn hier/waren over jan vande(n) borchoven en(de) jan hertshals scepen(en) van loeven(en)/Gegheve(n) xxviii dage inde maent van septembr(is) int jaer ons/h(e)r(e)n xiiii[c] en(de) neghene Et h(ab)uit q(ue)rel(as) h(iis) int(er)f(uerunt) lynde(n) bone aug(usti)/xix