It(em) arnt tielens van cortbeke ov(er)loe in p(rese)ncia heeft genome(n) en(de)/ bekent dat hij genome(n) heeft van h(er) claese van wet(er)beke prieste(r)/ thof des selfs h(er) claes gelegen t(er) bermt [bremt] neve(n) wet(er)beke met/ den huysen hoven wynend(en) lande(n) beemde(n) en(de) eeusele(n) d(aer) toe/ hoe(re)nde en(de) alle(n) ande(re)n sijnen toebehoirte(n) uutgenome(n) de/ nuwe schue(r) een came(r) staende neve(n) dwoenhuys vande(n)/ voirs(creven) [hove] met eene(n) coe(re)n solde(r) d(aer) naest gelege(n) bove(n) swynne(n)/ came(r) en(de) met den duyfhuyse boven d(aer) af dat de/ wynne de spynde ond(er) [behelt] hebbe(n) sal en(de) een wuwerken gelegen/ op deynde vande(n) nuwenhove dwelc de voirs(creven) h(er) claes/ te sijnen nutscape en(de) p(ro)fijte behouden sal It(em) heeft noch/ genome(n) de voirs(creven) wynne tghelege gelegen tsegen tvoirs(creven)/ hof over uutgesceide(n) eene(n) p(er)tstal en(de) een cleyn huyske(n)/ d(aer) aen gelege(n) dwec h(er) claes voirs(creven) selve behoude(n) te/ houde(n) te hebbe(n) en(de) te wynne(n) van halfmerte naestcom(ende)/ eene(n) t(er)mijn van xii jae(re)n lang d(aer) naest volgen(de) om/ de helcht van allen den coe(re)n en(de) vruchte(n) opte voirs(creven) goede/ jairlix wassen(de) op also dat toeghste als tcoe(re)n tijtv(er)dich/ sijn sal de voirs(creven) wynne tselve coe(re)n sal doen inde/ bant leve(re)n op sijne(n) cost en(de) dat gedaen sijnde sal de/ voirs(creven) wynne g tvoirs(creven) coe(re)n geheelic inne legge vue(re)n/ en(de) de helcht des voirs(creven) h(er) claes in des voirs(creven) h(er) claes
//
schue(r) vue(re)n ende als des voirs(creven) h(er) claes helcht gedersten/ sal sijn soe dal de selve wynne die te loven(e) bringen/It(em) sal de voirs(creven) wynne jairlix gheve(n) vande(n) voirs(creven) beemde(n)/ en(de) eeusele(n) xxiii g(ri)pen xl pl(acken) telke(n) t(er)mijne van/ bet(alinge) gemeynlic in borse(n) gaen(de) voe(r) elc g(ri)pe gerek(ent)/ te s(en)[te] m(er)tens misse inde wynt(er) te bet(alen) als v(er)volghde/ schout en(de) dies sal de voirs(creven) wynne(n) jairlix moge(n)/ copen stroe om iiii g(ri)pen van en(de) int hof bringe(n)/ en(de) ald(aer) etten en(de) te mest maken de welke de voirs(creven)/ wynne jairlix afslaen sal vande(n) voirs(creven) beemtgelde/ It(em) sal de voirs(creven) jairlix leve(re)n iii[c] walme(re) om de huyse/ ald(aer) mede te decke(n) en(de) alsmen die verdect sal de/ voirs(creven) h(er) claes de dachue(re)n bet(alen) en(de) de wynne sal den/ montcost gheve(n) It(em) sele(n) de voirs(creven) h(er) claes en(de) de wy(n)ne/ b(er)ringe op tvoirs(creven) goet moge(n) doen make(n) op hue(re)n/ gemeyne(n) cost en(de) des sal de voirs(creven) wynne den voirs(creven)/ h(er) clase vi voeder te loven vue(re)n met iii p(er)den/ It(em) sal de wynne de huyse vande(n) hove voirs(creven) vand(er)/ ond(er)st(er) rikelen ned(er)w(er)t houde(n) op sijne(n) cost wel en(de)/ loflic den voirs(creven) t(er)mijn due(re)nde It(em) sal de wy(n)ne/ alle jae(re)n vue(re)n den voirs(creven) h(e)r(e)n clase sijne(n) wijn te/ wijntide jairlix van opte(n) bloeme(n)berch tsijne(n) huyse/ vue(re)n en(de) hem alle jae(r) eene(n) dach diene(n) en(de) mest/ vue(re)n opten voirs(creven) wijng(ar)t It(em) sal de voirs(creven) h(er) claes/ en(de) de wynne alle doeft vande(n) voirs(creven) bog(ar)den half/ en(de) half deylen en(de) dat te gelike doen lese(n) en(de) op/ hue(re)n gemeyne(n) cost en(de) de wynne sal h(er) claes helcht/ te loven(e) vue(re)n It(em) sal de wynne jairlix halen en(de)/ vue(re)n op te voirs(creven) goede xv voed(er) mergels de welke h(er)/ cales hem sal doen steken en(de) bewisen It(em) sal h de/ wynne den voirs(creven) h(er) claese jairlix bezaeyen i halst(er)/ lijnzaets It(em) sal de voirs(creven) wynne jairlix moge(n) bezaeyen
//
i dachmael lants met raepsade [te rapen] en(de) d(aer) uut h(er) claes/ sal mogen doen halen also vele rapen als hij behoeve(n)/ sal met sijne(n) huysgesinne It(em) sal de voirs(creven) wynne jairlix/ mogen zaeyen (½) boend(er) v veetsen en(de) d(aer) d voe(r) die/ alleen behoude(n) en(de) d(aer) voe(r) sal de voirs(creven) h(er) claes een/ dach(mael) even(en) int zom(er)coe(re)n voe(r) uut neme(n) It(em) sal/ de voirs(creven) wynne de voirs(creven) goede en(de) lande laten ten/ uutgaen vande(n) t(er)mijne gelijc hijze vinde(n) sal te sijne(n)/ income(n) en(de) de selve lande getidichlic wynne(n) op/ op sijn getidege voe(re)n en(de) gelijc sijne(nb) reengenoete(n) en(de)/ alle tstroe vande(n) voirs(creven) come(re)n int hof bringe(n) en(de) ald(aer)/ etten en(de) te mest maken en(de) dmest op tvoirs(creven) lant/ vue(re)n tslants meeste(n) p(ro)fijte en(de) eest also dat de voirs(creven)/ h(er) claes of de wynne van scheide(n) woude(n) dat sij dat/ sele(n) moge(n) doen te yerste(n) vi jae(re)n behoud(elijc) dien dat/ de ghene die scheide(n) wilt den ande(re)n een jaer te/ voe(re)n seggen sal en(de) kundigen en(de) alle dese vorw(er)den (et)c(etera)/ hebben geloeft (et)c(etera) lomb(ar)t boys sept(embris) xxvii