Van henricken abeloys/ Tvonnisse tusschen henricken abeloys wonen(de) t(er) wolfshage(n)/ inde prochie van huldenberghe die ov(er)mids vo(n)nisse van/ scepen(en) brieven van loven(e) geleyt is tot den goede(n) jans/ vande(n) opstalle van ov(er)ysche vranx vranx soen jans/ wilen vranx die hij hadde van marien scoeps sijne(n)/ wive die nu wijf is des voirs(creven) jans vande(n) opstalle/ en(de) willems abeloys ma(n)t man en(de) momboir joha(n)nen/ vranx sijns wijfs sust(er) des voirs(creven) vranx gelegen onder
//
de banc van ov(er)ysche en(de) dair ontrent also verre de voirscr(even)/ goede den voirs(creven) p(er)sonen bleven sijn na de doot h(er) vranx/ wilen scoeps priesters en(de) niet voirde(r) in deen zijde/ en(de) gielise vanden rode en(de) henricken vranx als/ momboirs en(de) kercmeesters d(er) kerken van s(in)[te] mertens/ te ov(er)ysche in dand(er) alse vande(n) goede(n) h(er) na bescreven/ gecomen vande(n) voirs(creven) wilen h(er) vranken Inden yersten van/ eenen huyse en(de) hove gelegen inde ov(er)strate aen jan/ kennens hof op deen zijde en(de) een streetken gaen(de)/ ten beghijn hove w(er)t tov(er)ysche op dand(er) zijde It(em) van/ eenen wijng(ar)de belegen ten drogenb(er)ghe tusscen de/ goede willems van stakenborch en(de) de strate ald(aer) It(em) van/ eene(n) stuc lants geleg(en) aen de scaveye tussce(n) de/ wijng(ar)de en(de) de goede henric molenpas It(em) van/ eene(n) huyse en(de) hove gelegen aen de strate gaende/ ten duvels putte w(er)t dn(de) de goede jan wouters/ It(em) van iiii molevate rox erfspachts op eene(n) wijng(ar)t/ willems van stakenborch gelege(n) op de scaveye tussce(n)/ de goede jans van voirdel en(de) de goede mychiel vle/ mynx It(em) van eene(n) mudde rox erfspachts op een/ stuc lants comen(de) bij den wat(er)poel en(de) de lande/ henrix v(ere)ngoeden It(em) van ii capuyne(n) erftsijs op huys/ en(de) hof met sijnre toebehoirten wilen henrix nues/ belegen te speelberge aen de heyde ald(aer) Welke/ goede voirs(creven) de voirs(creven) henric inde(n) rechte met sijne(n)/ beleyde aen gesproken heeft en(de) bleve(n) sijn na de/ doot h(er) vranx wilen scoeps priesters Was gewijst/ met desen woirde(n) na aensprake v(er)antw(er)den en(de)/ als dats voir scep(enen) come(n) is datme(n) den voirs(creven) henrick/ vande(n) voirs(creven) goede(n) houde(n) sal in sijne(n) beleyde ende/ want de kercmeesters ruerde(n) van testame(n)te dat/ lieten sij gaen d(aer)t sculd(ich) wae(r) te gaen p(rese)ntib(us)/ will(el)mo lomb(ar)t joh(ann)e de borch(oven) mych(aele) abs(oloens) nych(olao) k(er)smak(ere)/(et) ar(noldo) vync maii xxi