It(em) henric vande(n) putte van willeb(ri)ngen es comen in jeg(enwordicheit)/ d(er) scepen(en) van loven(e) en(de) heeft genome(n) en(de) bekent dat/ hij genome(n) heeft jegen jacoppe uuten lyemi(n)gen nu/ ter tijt borg(er)meest(er) te loven(e) de ca(m)me de oft/ tpanhuys des selfs jacops gelege(n) te willeb(ri)ngen aende/ kerke met den huysen hove(n) en(de) ande(re)n sijne(n) toebehoirte(n)/ tusscen de goede h(er) henr(ix) hubrechts en(de) de strate/ ald(aer) te houde(n) [en(de)] te hebben en(de) te wynne(n) van k(er)smisse/ naestcomen(de) eene(n) t(er)mijn van iii jae(re)n lang deen/ na dand(er) volgen(de) alle weeken vande(n) voirs(creven) t(er)mijne/ om xxviii quarten hoppen [tienscher maten] elc quarte van iiii eenen/ labaey alsulke als hij ind(er) voirs(creven) ca(m)men bruwen sal alle/ weken oft te alst den voirs(creven) jacop gelieve(n) sal te bet(alen)/ en(de) int voirscr(even) panhuys te leve(re)n telke(n) t(er)mijne/ als v(er)volghde schout It(em) is vorw(er)de dat de voirs(creven)/ henric den voirs(creven) t(er)mijn due(re)nde jairlix bet(alen) sal den/ tsijs uut den voirs(creven) goede(n) gaen(de) en(de) ca(m)men gaende/ It(em) is vorw(er)de dat de voirs(creven) henr(ic) de voirs(creven) ca(m)me houde(n)/ sal op sijne(n) cost vand(er) onderster rikelen nederw(er)t wel/ en(de) lof en(de) oft men d(aer) op yet behoefde bynne(n) de(n) selve(n)/ tide te decken of te ty(m)me(re)n [van oude(n) wercke] dat d(aer) af de voirs(creven) henr(ic)/ den wercliede(n) den montcoste(n) geve(n) en(de) de voirs(creven) jacop/ dwerc en(de) de dachue(re)n betalen en(de) oft e(n)nig(er) nuwer/ tymeringe(n) behoefde d(aer) af sal de voirs(creven) jacop den last/ en(de) cost alleen dragen ende is ond(er)sproken alse vande(n)/ ande(re)n huysen bij d(er) voirs(creven) ca(m)men gelegen dat die de/ selve henr(ic) alleen op sijne(n) cost den voirs(creven) t(er)mijn/ due(re)nde wel en(de) loflic van nuwen en(de) en(de) oude(n) wercke/ houde(n) sal [It(em) is It(em) is vorw(er)de dat de voirs(creven) jacop den voirs(creven) henr(icke) gheven sal jairlix v [den voirs(creven) t(er)mijn due(re)nde] v ellen wullens lakens alsulx als hij sijne(n) ande(re)n diene(re)n gheve(n) sal] ende alle dese vorw(er)den (et)c(etera) boys/ voshem junii xiii