Van jehanne va(n) chenymont It(em) want jehenne van chenymont die ov(er)mids vo(n)nisse van/ scepen(en) brieve(n) van loven(e) geleidt is tot allen den goede(n) have en(de)/ erve colarts wilen van cheneymont haers vaders met der/ stat brieve(n) gescreve(n) aen den meye(r) van genepien hadde doen/ dach doen jaspar de sart die haer aen so(m)mige vand(er) voirs(creven) have(n)/ te wete(n) aen i pansir ongebruyc dade en(de) op hede(n) dach hadde/ op in dijsdage lestlede(n) daer de voirs(creven) jehe(n)ne met hae(re)n beleyde/ voir trecht qua(m) en(de) hae(r) p(rese)nteerde den voirs(creven) jaspar niet voir oege(n)/ comen(de) tot dat tgedinge verdaeght worde tot op heden daer/ de voirs(creven) jehe(n)ne noch voir trecht comen es en(de) heeft hae(r) beleit/ doen lesen en(de) versocht want de voirs(creven) jaspar niet te rechte en/ qua(m) dat mense hielde in hae(re) beleyde alsoe dat de meye(r) van/ loven(e) daer op maende de scepen(en) die wijsden voir een vo(n)nisse/ waer de voirs(creven) jaspar niet en quame ten opstaen smeyers en(de)/ der scepen(en) datmen der voirs(creven) jehe(n)nen houden soude in hae(re)n beleyde/ alsoe v(er)re alst noch voir hen comen is p(rese)nt(ibus) lomb(ar)t borch(oven) kersmake(re)/ boys voshem maii xii