Item es vorwairde tussce(n) willem(me) van quarlemo(n)t en(de) ja(n)ne de warez dat de voirs(creven) wille(m)/ also scier als sijn outste zoen te sine(n) dage(n) come(n) sal sijn hij en(de) sijn sone voirs(creven) der/ voirs(creven) joffr(ouwe) beatrice(n) vestich(eit) doen sele(n) voir trecht van xl mudde(n) coe(re)ns d(er) mate(n) van/ lov(en) erfs pachts voir hoir duwarie op sijn goede gelege(n) te beveke(m) en(de) te duerne die/ he(m) van(wegen) ja(n)ne van quarlemo(n)t sine(n) vad(er) verstorve(n) sijn en(de) dat gedaen sijnde datme(n)/ dan des voirs(creven) wille(m)s goede in brab(ant) gelege(n) vand(er) voirs(creven) duwarien ontlaste(n) en(de)/ de br(ieven) d(aer) af gemaect te nyeute doen sal cor(am) eisd(em)