Van joffr(ouwe) lijsbetten vanden broeke gehete(n)/ h(er)mans die wijf es henrix goedenoy/ Item uut seke(re)n onderwijse bider stat gedaen van joffr(ouwe) lijsbette(n)/ vanden broeke voirscr(even) en(de) hoe(re)n vriende(n) es ov(er)drage(n) inder/ stat raide datmen den voirs(creven) henricke die van sine(n) voirs(creven)/ wive gescheyden es en(de) van een sitten gheen scepenen/ brieve en sal laten beke(n)nen noch vorderinge doen met de(n)/ selven scepen(en) brieve(n) op e(n)nige goede die vand(er) voirs(creven) joffr(ouwe)/ lijsbette(n) wegen come(n) sijn ten sij dat sij weder bij een/ come(n) en(de) malc ande(re)n doen dat sij sculdich sijn te/ doen maer wilt hij op sijns selfs goede yet doen/ dat hij dat doen sal moegen in pleno consilio/ dec(embris) x