Van janne eeben en(de) arnde/ eeben sijne(n) neve/ Item joh(ann)es de kelfs filius peetrus de smet van lyere die als/ op heden dach gedaen was letter stat brieven van loeven(e) o(m)me/ voir meyere en(de) scepen(en) van loeven(e) in trecht te comen jegen janne/ eeben van berlaer die midts machte van scep(enen) brieve(n) van loeven(e)/ met aerde eeven geleyt is tot den goede(n) jans eeben de(n) jonge(n) sone des/ selfs jans wair die gelegen sijn tot [aen] welken goede(n) de voirs(creven) claus/ den voirs(creven) janne [en(de) arnde] ongebruyc dede tot welke(n) daige de voirs(creven) j claus/ niet jegewordich en was es bijde(n) scepene(n) van loeven(e) gewijst/ voir een vonnesse dat men den voirs(creven) janne eeben en(de) aerde eeben/[vande(n) voirs(creven) goeden] houde(n) sal in horen beleyde alsoe verre alst noch voe(r) he(n) come(n) ware/ p(rese)ntibus lomb(ar)t borch(oven) absoloens vynck voshe(m) fe(bruarii) xxvi