It(em) want warnir van daulez gevo(n)nist heeft voir meye(r) en(de)/ scepen(en) van loven(en) seke(re) scepen(en) brieve van loven(en) van c en(de) xviii pet(er)s/ d(er) mu(n)ten van loven erfliker renten op tslot heerlich(eit) en(de) goede van/ opprebais met allen hoe(re)n toebehoirte(n) en(de) tvo(n)nisse gewijst heeft/ dat de voirs(creven) warnir trecke(n) soude tot sine(n) pande vonde hi te pande(n)/ dat hi pande(n) soude(n) en vonde hi niet te pande(n) dat hi voertvae(re)n/ soude met den rechte Soe is de voirs(creven) warnir getogen met meye(re)/ en(de) scepen(en) van loven(en) tot sine(n) pande daer hi niet te pande(n) en vant/ alsoe dat hem de goede alsoe v(er)re die sijn pant sijn voir gebrec/ van sine(n) renten en(de) voir den cost dier op ghegaen was met den/ rechte gelevert worden p(rese)nt(ibus) joh(ann)e de hug(ar)d(en) et ar(noldo) vande(n) velde sept(embris) xviii
//