Vanden gebruede(re)n vander wijmpen Item want gheert cuerinx drossete van ghele int recht getogen hadde/ inde banck te ghele janne mathise en(de) willeme vand(er) wijmpen van/ ghele gebruede(re) alse van eenre quitsceldingen die hij hebben woude/ van iii mottoene(n) di hij seyde dat hij woute(re)n soffen inden name van/ hen betaelt hadde en(de) dat de vorwerde voir scepen(en) van loven(e) gemaect/ ruerende vanden voirs(creven) iii[c] mottoene(n) inhadde dat sij den voirs(creven) gheerde/ quitscheldinge doen souden [alse hij woute(re)n soffen d(aer) af v(er)nueght hadde soe hebben de voirs(creven) gebruede(re) hen becroent voir de stat] datse de voirs(creven) gheert vand(er) voirs(creven)/ saken hadde begonne(n) te bedingen en(de) te moeyen inde banck te gheele/ niet wed(er)staende dat de sake vanden voirs(creven) iii[c] mottoene(n) bedinght hadde/ geweest inde banck te loven(e) en(de) dat de he(re)n scepen(en) van loven(e) goede/ vo(n)nissen d(aer) af gewijst hadden en(de) dat dierste vorw(er)de rue(re)nde vanden/ selven iii[c] mottoene(n) voir scepen(en) van loven(e) gemacht en(de) geveesticht/ was Beghe(re)nde en(de) versuekende dat sij d(aer) af te rechte comen mochten/ inde banck te loeven desen aengehoirt en(de) dbescheyt van beyden p(ar)tien/ voirs(creven) soe heeft de stad get(er)mineert in hoe(re)n rade heeft de voirs(creven) gheerdt/ cuerinx den voirs(creven) gebruede(re)n yet aentespreken van saken aenrue(re)nde/ den voirs(creven) iii[c] mottoene(n) dat hij dat doen sal voir meye(r) en(de) scepen(en) van/ loven(e) d(aer) de voirs(creven) sake gehaendelt heeft geweest maer hadde hij hen/ van eneghen ande(re)n saken aen te spreken dat soude hij moghen doen/ inde banck daer sij wonechtich en(de) geseten sijn P(rese)nt(ibus) walt(ero) py(n)nock loco/ burgimagistri andrea de voshem burgimeg(istr)o d(omi)no lud(ovico) py(n)nock milite/ god(efrido) roelofs walt(ero) wittema(n) jasp(are) abs(oloens) mych(aele) coste(re) henr(ico) vander/ molen joh(ann)e de rotselair joh(ann)e de hazenb(er)ghe et aliis de co(n)silio sept(embris)/ xxix[a]