De meyer van loven(en) ten versueke lodewijx van schore alse maegh/ en(de) vrient vranx pynnocx bastart die met sijnen hulpe(re)n gequetst/ ende gewont hadde willem(me) va(n) rikele geheten van halmale es gegaen/ met den scepen(en) van loven(en) hier na genoempt t(er) woeni(n)gen/ der joff(rouwe) wilen roelofs inde proefstrate ende ter bedstat daer/ de voirs(creven) willem(me) gelegen hadde also meester willem/ der stat gesworen meester chirurgijn die den voirscr(even) willem(me)/ gemeestert hadde op sinen eet nam den welken willem(me)/ men aldair niet en vant also dat ten versueke des voirscr(even)/ lodewijx van schore de meye(r) van loven(en) voert maende/ den voirscr(even) meest(er) willem(me) op sinen eet die hij daer toe/ dede ten heyligen oft ter tijt dat hij den voirscr(even) willem(me)/ lestwerf verbant vander quetsue(re)n die de voirscr(even) vrancke/ met sijne(n) hulpe(re)n hem gedaen hadde e(n)nighe noet hadde vande(n)/ live daer op de voirscr(even) meester willem antw(er)de neen hij/ dat gedaen begheerde de voirscr(even) lodewijc aen den meye(r)/ den voirs(creven) willem(me) beleydt te hebben na al datt(er) toe gesciet/ was en(de) versocht dat hij dair op manen woude de he(re)n scepen(en)/ van loven(en) die wijsden voir een vonnise dat willem van/ rikele voirscr(even) vander voirs(creven) quetsue(re)n na de heerlich(eit) ons gened(ichs)/ he(re)n van brabant en(de) na sijnre stat recht van lov(en) beleyt/ soude sijn p(rese)nt(ibus) d(omi)no lud(ovico) pynnoc milite jud(oco) absoloens/ henrico de calstr(is) walt(ero) wit(te)[ma(n)] joh(anne) de hug(ar)d(en) ar(noldo) vande(n)/ velde et will(el)mo naen scab(inis) lov(aniensibus) fe(bruarii) xxvii
//