It(em) joffr(ouwe) katline huldeb(er)ghe weduwe reyners wilen boete en(de)/ jan boete haer sone sijn comen in ge jegewordich(eyt) der scepen(en) van loven(en)/ en(de) heeft genomen en(de) bekent dat sij ghegeve(n) hebben goffarde de mollin/ de grez vi dachmael lants of d(aer) omtrent gelegen te grave(n) op tvelt/ acht(er) den p(er)erir tusschen den wech gaende van grave(n) te bouler wert/ en(de) sheylichs gheests lant van grave(n) te houden en(de) te hebbe(n) van op/ den dach van hede(n) ene(n) t(er)mijn van twelf jae(re)n lang deen nae dand(er)/ sond(er) middel volgen(de) elx jaers dae(re)nby(n)nen om xviii mol(evate) rogs/ en(de) ii mol(evate) tarwen goet en(de) payabel der maten van loven(en) te s(en)[t]/ andries misse apostels te bet(alen) en(de) te loven(en) te leve(re)n jairlix den/ voirs(creven) t(er)mijn due(re)nde en(de) telke(n) t(er)mine als vervolghde schout/ En(de) dierste betalinge hier af van s(en)[t] andries misse naest/ comen(de) ov(er) een jaer d(aer) naest volgen(de) ende niet eer En(de) heeft/ geloeft de voirs(creven) goffart tvoirs(creven) lant wel te wy(n)nen gelijc sine(n)/ reengenoete(n) en(de) tselve lant by(n)nen den voirs(creven) t(er)mine eens wel/ en(de) loflic tov(er)mesten en(de) te laten ten eynde vande(n) voirs(creven) t(er)mine/ gelijc hijt vant in sinen incomen te weten brake geheel ongheerijt/ geheel liggende wit(te)[ma(n)] naen sept(embris) xii
//